Jeim 2:8 - Tedim Bible

⁸ “Na pumpi na it bangin na lawmte na it in,” a kici Thukham na zuih uh leh, a pha in na gamta zo uh hi.

Tedim Bible Revision 2017

⁸ Lai Siangtho sungah, “Nangmah na ki-it bangin na veengte na it in,” ci-in a genna Topaʼ Thukham zui le-uhcin a hoih hi pah hi.

Jeim 2:8 Referans Kwoze

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

Galati 5:14

Bang hang hiam na cih uh leh, “Na pumpi na it bangin na lawmte na it in,” a cihna thukham na zuih uh leh, Thukham khempeuh a zui khin na suak uh hi.

Jeim 2:12

Suahtakna thu mah zui-in thukhenna a thuak ding mi bangin thu genin gamta un.

Mattiu 22:39

Na pumpi na it bangin na lawmte zong na it in, a cihna thukham nihna in tua a masa thukham tawh kibang hi.

Galati 6:2

Van puak ding a omte khat leh khat kihuhin na pua un la, Khazih’ thukham na zui un.

Siampi Laibu 19:34

Note lakah a hong peem khual mite tual sung mi mah bangin na ngaihsun ding uh a, nomau mah bangin amah na it ding uh hi; bang hang hiam cih leh note in Izipt gam sungah khualmi na hi ngei uh hi: keimah in Topa na Pasian uh ka hi hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Jonah 4:4

Topa in zong, “Na heh ding kilawm na sa hiam?” a ci hi.

2 KUMPI NIHNATE 7:9

Tua ciangin amaute khat leh khat in, “A manin i gamta kei hi. Tu ni-in thuthak a hoih i theih ni ahi hi; eite pau loin zingsang khuavak dong ngak lehang daantahna i thuak ding hi; tua ahih ciangin tu-in hong pai un, eite pai-in kumpipa’ innkuante kiangah gen ni,” ki-ci uh hi.

1 THESALONIKA MASA 4:9

Ute naute ki-itna thu ahih leh, note kiangah gelhin mi khatpeuh kong piak nading a om kei hi. Bang hang hiam na cih uh leh, note khat leh khat na ki-it nading uh Pasian’ hilhna a ngah mi na hi uh hi.

Filippi 4:14

Ahih hangin gimna ka thuak lai takin note in kei tawh kizopna hangin a pha-in na bawl zo uh hi.

Mattiu 25:23

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ ci-in a gen hi.

Jonah 4:9

Ahih hangin Pasian in Jonah kiangah, “Tua umgui hangin na heh ding kilawm na sa hiam?” a ci hi. Jonah in, “Ka heh ding kilawm sa tham loin heh lua-in ka si zongin kilawm ka sa veve hi,” a ci hi.

1 KUMPI MASATE 8:18

Ahih hangin Topa in ka pa David kiangah, ‘Keima min dingin inn khat lam ding na lungsim sungah a omna thu-ah, tua banga na lungsimah a om hoih mahmah hi;

Jeim 2:19

Pasian khat bek a om ci-in na um hi. A pha hi. Dawi gilote in zong umin, kihta-in a liing uh hi.

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Mattiu 7:12

Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

ROM (Romans) 13:10

Itna in lawmte a siasak thei kei hi. Tua ahih ciangin itna in thukham zuihna thu kicin’na ahi hi.

Jeim 4:11

Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.