Jeim 2:5 - Tedim Bible

⁵ Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Tedim Bible Revision 2017

⁵ Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Jeim 2:5 Referans Kwoze

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Luka 6:20

Zeisu in a nungzuite en a, “Mizawng note in thupha na ngah ding uh hi. Bang hang hiam na cih uh leh, Pasian’ Gam in note gam ahi ding hi.

Mangmuhna 2:9

“Nangmah in gimna na thuakna, na hau napi-in na zawnna-a kipan Judah mipawl hi lo napi-in ‘Judah mipawl ka hi uh, a kici Satan pawlte in hong kosiatna thute ka thei hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Luka 12:21

Tua mah bangin, ama ading sum a khol hangin, Pasian mai-ah a zawng mi in tua pa tawh kibang ahi hi,” a ci hi.

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

1 KORIN MASA 2:9

Lai Siangtho sungah a kigelh mah bangin: “Pasian a itte adingin Pasian bawlsate in, mittang tawh kimu lo, bil tawh kiza lo, mite’ lungsim sungah a tum lo nate ahi hi,” a ci hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mangmuhna 21:7

A zo mi in hih nate luahin, kei in ama Pasian ka hi ding a, amah in ka ta ahi ding hi.

Jeim 1:9

Mi kiniamsak sanggamte in a ngah a san’ na uhah kilungdamsak thei ta uh hen.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

Luka 16:25

Abraham in, ‘Ka ta aw, nang na nuntak lai-in nopsakna na ngah a, tua mah bangin Lazaras in zong a pha lo nate ngah hi ci-in na ngaihsun kik in. Tu-in ahih leh, amah in nopna a ngah kik hi. Nang na hih leh, gimna na thuak hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

2 PETER NIHNA 1:11

Tua bang hangin eite Topa leh Honpa Zeisu Khazih’ tawntung Gam sung lut theihna thu note a kicingin hong kipia ding hi.

2 TIMOTI NIHNA 4:18

Topa in thu hoih lo khempeuh pan hong honkhia a, ama vantung dongin hong kha ding hi. Tua Topa in a tawntungin minthan’na ngah ta hen. Amen.

2 THESALONIKA NIHNA 1:5

Note in Pasian’ Gam hangin gimna thuakin, tua Gam tawh a kilawm mi-in hong simna thu na ngah nadingun, thuman tawh Pasian’ thukhenna tua bangin a kilang hi.

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

Luka 16:22

Tua nung ciangin mizawngpa si a, vantungmite in Abraham’ ang ah a pua uh hi.

Zekhariah 11:7

Tua summeet bawlte in kei hong cial uh a, a kigo ding tuute a cingpa ka suak hi. Kei zong ciangkhut nih ka la a, khat pen Hehpihna ci-in min ka phuak a, a khat pen Kipawlna ci-in min ka phuak hi. Tua hi a, kei zong tua tuute a cingin ka om hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

JOB (Job) 34:19

Pasian pen mi khempeuh a piangsakpa hi a, amah in uliante panpih tuan lo a, mizawngte sangin mihaute thupi ngaihsut zaw tuan lo hi.

JOB (Job) 34:10

“Ahi zongin no thu ngaihsun theite in ka thugenna hong ngai un. Pasian in gitlohna gamta ngei ding a, Vanglianpa in a man lo sem ngei peuhmah ding ahi hiam?

Paikhiatna 20:6

ahih hangin kei hong it-in ka thupiakte a zui mi a khang tul tampite' tungah itna kip a lakpa ka hi hi.

Jeim 1:16

Ka it ka ute ka naute aw, na kikheem kei un.

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

2 KORIN NIHNA 4:15

Bang hang hiam na cih uh leh, hehpihna in mite hangin khang a, Pasian’ minthan’na ading hehpihna phatna a kicin’ nadingin na khempeuh note ading ahi uh hi.

Johan 7:48

Upa vaihawmte lakah ahi zongin, Farisaite lakah ahi zongin amah a um mi khat beek a om hiam?

Luka 22:29

Ka pa in Kumpi Gam khat hong piak mah bangin;

Marka 7:14

Tua lai takin Zeisu in mihonpite sam kik a, “Note khempeuh in ngai un la, na thei ta un.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giugiau uh a, hih banga ka gamtatna panin Topa’ thugen ahih lam phawk uh hi.

Zefaniah 3:12

Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.

Paunak 8:32

“Tate aw, tu-in ka thugen hong ngai un la, kong gente zui le-uh cin thupha na ngah ding uh hi.

Paunak 7:24

Ka tate aw, kei lam hong nga un la, ka thugente hong ngai un.

JOB (Job) 38:14

Khuavak in mual leh guamte kilang khia sak a, puan a ton-a kikoih tawh a kibatna kilangsak hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in kei tung tawnin thu hong gen lo ahi hi,” a ci hi. Tua ciangin amah in, “No mi khempeuhte aw hih ka thugen za un,” ci thuah lai hi.

Sawltak 7:2

“Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

Thukhente 9:7

Jotham kiangah tua thu a kigen ciangin amah pai-in Gerizim Mual dawnah ding a, nakpi-in kiko-in amaute kiangah, “No Shekhem mite aw, Pasian in note thu hong ngaih theih nadingin ka thu hong ngai un.

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun phong to hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa aa hi a, tuate tungah amah in leitung pumpi koih hi.

Paunak 13:7

Mi pawlkhatte, zawng napi-in kihau sak uh a, mi pawlkhatte, hau napi-in kizawngsak uh hi.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.