Jeim 2:25 - Tedim Bible

²⁵ Tua mah bangin numei gilo Rahab in sawltakte a tun’sak khit ciangin lam tuam khatah a ciahsak maninah gamtatna hoih hangin dikkisakna ngah hilo a hi hiam?

Tedim Bible Revision 2017

²⁵ Numei paktat Rahab zong tua bangmah ahi hi. Israel mi thukante hoihtakin zin na do-in, lampi dangah ciahsakin na suaktasak a, ama nasepna hangin Pasian tawh kipawl theihna a ngah ahi hi.

Jeim 2:25 Referans Kwoze

Hebru 11:31

Numei gilo Rahab in gam ente zawlin manin a inn tungsak ahih manin thungai lote tawh kisia khawm loin, upna tawh a suakta hi.

Joshua 2:15

Tua ciangin amah in kongvangneu panin khau khat tawh amaute khaisuk hi, bang hang hiam cih leh khuapi kulh sunglam pangah ama inn kilam a, khuapi kulh sungah amah teeng hi.

Joshua 2:4

Ahih hangin tua numei in mi nihte la-in na seel khin hi; tua ciangin amah in, “Hi mah hi, ka kiangah mi hong pai uh hi; ahih hangin amaute koi pan hong pai hiam cih ka thei kei hi;

Joshua 6:17

Khuapi leh a sunga omte khempeuh suksiat dingin Topa tungah kipia ding hi; amah in i sawl kamtaite na seel ahih manin numei paktat Rahab leh ama inn sungah amah tawh a om khawmte khempeuh bek hing ding hi.

Joshua 2:1

Tua ciangin Nun tapa Joshua in Shittim panin thukanin mi nih sawl sim a, “Pai-in gam va en un la, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ innah tungin giak uh hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 1:5

Salmon in a zi Rahab tawh a neih a tapa Boaz, Boaz in a zi Ruth tawh a neih a tapa Obed, Obed’ tapa Jessi,

Jeim 2:22

Upna in ama gamtatna tawh bawlpha khawm a, gamtatna hoih hangin a upna a kicing hi ci-in na thei ta in.

Jeim 2:18

Ahi hi, khat in, “Nangmah in upna na nei hi. Kei ka hih leh, gamtatna hoih ka nei hi: hong ci ding hi. Gamtatna hoih om lo na upna hong lak in. Keimah in ka hih leh, ka gamtatna tawh ka upna ka hong lak ding hi.

Joshua 2:6

Ahih hangin amah in innkhum zangah tua mite paipih to-in innkhum zangah a koih ngei bangin a koihsa anthul kungte lakah amaute seel khin hi.

Joshua 2:16

Amah in amaute kiangah, “Mual tungah pai un, hong delhte tawh na kituak kha ding uh hi; hong delhte hong ciahkik mateng nithum sung tua lai-ah bu un; tua khit ciangin na pai nading uh ah na pai thei ding uh hi,” a ci hi.

Sawltak 17:7

Tua mi khempeuh in Kaisar kumpipa thu nialin, ‘Zeisu kici kumpipa adang khat a om hi,’ a ci uh hi,” ci-in a kiko uh hi.

Jeim 2:24

Mi khat in upna bek tawh dikkisakna a ngah ahi kei hi, gamtatna tawh a ngah hi ci-in na thei uh hi.