Jeim 2:21 - Tedim Bible

²¹ I pa Abraham in ama tapa Isaak pen biakna tau tungah a piak ciangin a gamtatna hoih hangin dikkisakna ngah hilo ahi hiam?

Tedim Bible Revision 2017

²¹ Eiteʼ pupi Abraham in biakna tau tungah a tapa Isaac a piakna hangin Pasian tawh kipawl thei hi.

Jeim 2:21 Referans Kwoze

Johan 8:39

Amaute in, “Ka pa uh Abraham ahi hi,” a ci uh hi. Zeisu in zong, “Note in Abraham’ suan na hih uh leh, Abraham gamtat bangin na gamta ding uh hi.

ROM (Romans) 4:16

Tua ahih ciangin kiciamna in Thukham tawh kipawlte tham loin, Abraham’ upna tawh kipawlte zong Abraham’ suan-le-khakte khempeuh tungah a kip nadingin hehpihna tawh kibangin a pian’ nadingin upna hangin kiciamna a ngah uh hi.

Mattiu 12:37

Bang hang hiam na cih uh leh, na thu genna hangin mawhsakna tawh na kipelh ding uh hi. Na thu genna hangin thukhenna na thuak ding uh hi,” ci-in a hilh hi.

Jeim 2:24

Mi khat in upna bek tawh dikkisakna a ngah ahi kei hi, gamtatna tawh a ngah hi ci-in na thei uh hi.

Jeim 2:18

Ahi hi, khat in, “Nangmah in upna na nei hi. Kei ka hih leh, gamtatna hoih ka nei hi: hong ci ding hi. Gamtatna hoih om lo na upna hong lak in. Keimah in ka hih leh, ka gamtatna tawh ka upna ka hong lak ding hi.

ROM (Romans) 4:12

vun atna a thuak tham loin i pa Abraham in vun atna a thuak nai loh lai takin upna lam a zuite khempeuh’pa uh a suah nading ahi zongin, Abraham in vun atna a thuak nai loh lai takin upna a neih dikna-a ciamtehna ahi vun atna lim a ngah hi.

ROM (Romans) 4:1

I pu Abraham in mi lamsang ah bang phattuamna a ngah i ci ding hiam?

ROM (Romans) 3:20

Bang hang hiam na cih uh leh, thukham tawh mawhna kilang ahih ciangin thukham a zuihna tawh, Pasian mai-ah kuamah in dikkisakna a ngah kei ding hi.

Sawltak 7:2

“Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

Johan 8:53

A sisa ka pa uh Abraham sangin lianzaw na hi hiam? Pasian’ kamsangte zong a si zo uh hi. Nang kua lima kibawl na hi hiam?” a ci uh hi.

Luka 16:30

Tuate thu ngai ta hen,’ a ci hi. Sumhaupa in, ‘Hi kei, pa Abraham aw, mi sisa khat hong thokikin amaute kiangah a pai leh, amaute in mawhna a kisikkik ding uh hi,’ a ci hi.

Luka 16:24

‘Pa Abraham aw, kei hong hehpih in, Lazaras in a khutme dawn tui ah diah hen la, ka lei hong votsak nadingin ka kiangah hong sawl in. Bang hang hiam na cih leh, hih meikuang sungah gimna nakpi ka thuak hi,’ ci-in a kiko hi.

Luka 1:73

Ama mi pawlte hong veh in, a hong tankhia zo hi, Eite in i galte khut sung pan ahi zongin,

Mattiu 3:9

‘Abraham ka pa uh,’ ci-in na lungsim sung uhah lungngai kei un. Ke’n kong cih-inah, Pasian in hih suangte zong Abraham’ tate a suaksak thei hi.

Isaiah 51:2

Na pa uh Abraham leh note’ pian’na Sarah ngaihsun dih un; bang hang hiam cih leh khat bek ahih lai takin amah ka sam a, amah thupha pia-in tampi ka phasak hi.

Late 143:2

Na nasempa, thu hong sit kei in; bang hang hiam cih leh nangma mai-ah mihing a dik kuamah om lo hi.

Joshua 24:3

Tua ciangin Gungal panin na pa uh Abraham la-in Kanaan gam khempeuhah ka paipih a, a suan-le-khakte tampi ka pha sak hi. Ama tungah Isaak ka pia hi;

Hebru 11:17

Abraham in ze-etna a thuak ciangin upna tawh Isaak biakna-ah a pia hi. “Isaak tung bekah na suan na khak kici ding hi,” ci-a thupiak kholhna akipan thuciamnate lungdamin a sang mi hi-in, khat bek a neih tapa a pia hi.