Jeim 2:18 - Tedim Bible

¹⁸ Ahi hi, khat in, “Nangmah in upna na nei hi. Kei ka hih leh, gamtatna hoih ka nei hi: hong ci ding hi. Gamtatna hoih om lo na upna hong lak in. Keimah in ka hih leh, ka gamtatna tawh ka upna ka hong lak ding hi.

Tedim Bible Revision 2017

¹⁸ Ahi zongin mi khatpeuh in, “Mi khat in upna nei a, a dang khat in gamtatna nei hi,” ci zenzen leh, gamtatna in a zui lo upna hong lak dih in; keimah in ahihleh ka upna ka gamtatna tawh kong lak ding hi, ka ci ding hi.

Jeim 2:18 Referans Kwoze

Jeim 3:13

Note lakah kua in pilna leh theihna a nei hiam? Tua mi in gamtatna hoihte hihin, pilna, lungnemna tawh ama gamtatnate lak ta hen.

1 TIMOTI MASA 1:5

Hih thupiakna’ deihna bulpi in, lungsim siangtho, lungsim kisuan’na om lohna leh thuman upna tawh a kipawl itna ahi hi.

Jeim 2:14

Ka u ka naute aw, mi khat in, “Upna ka nei hi,” a cih hangin ahoih a gamtat kei leh, bang phattuamna a om hiam? Tua upna in tua mi gumkhia zo ding ahi hiam?

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Titu 2:7

Na khempeuh ah gamtatna pha lim, nangmah mah in na pumpi-in na lak in. Thu na hilh ciangin kheemna thu om loin, khuaval zulhtat loin, mawhsakna om lo thu siangtho na hilh in.

ROM (Romans) 14:23

A um khial mi in a nek leh, upna lungsim nei loin ne ahih ciangin amah le amah a kimawhsak ahi hi. Upna lungsim tawh kituak lo gamtatna khempeuh in mawhna ahi hi.

Hebru 11:31

Numei gilo Rahab in gam ente zawlin manin a inn tungsak ahih manin thungai lote tawh kisia khawm loin, upna tawh a suakta hi.

Hebru 11:33

Tua mite in upna tawh gamte a zo uh hi, thuman thu a khen uh hi, thuciamna a ngah uh hi, humpinelkai’ kam a khak uh hi,

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

1 KORIN MASA 13:2

Kamsangte’ pilna nei-in, thuthuk khempeuh, pilna khempeuh thei siam a, mual kinsak zawh nading upna apawl apawl ka neih hangin itna ka neih kei leh, a mawkna teitei ka hi hi.

ROM (Romans) 3:28

Tua ahih ciangin mi khat in thukham bang gamta loin upna tawh dikkisakna a ngah hi ci-in i ciamteh hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

2 KORIN NIHNA 5:17

Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.

ROM (Romans) 8:1

Tua ahih ciangin si-le-sa deihna bangin kalsuan loin Kha deih bangin a kalsuan, Khazih sungah a om mite in mawhna thukhenna tawh a kipelh zo uh hi.

ROM (Romans) 4:6

Tua mah bangin David in sem loin Pasian’ diksakna a ngah mi thupha a pia hi:

ROM (Romans) 9:19

“Tua bang ahih ciangin, ‘Pasian in bang hangin ko hong mawhsak lai hiam? Kua in a deihna a khamsak hiam’” ci-in keimah hong dong ding na hi uh hi.