Jeim 2:14 - Tedim Bible

¹⁴ Ka u ka naute aw, mi khat in, “Upna ka nei hi,” a cih hangin ahoih a gamtat kei leh, bang phattuamna a om hiam? Tua upna in tua mi gumkhia zo ding ahi hiam?

Tedim Bible Revision 2017

¹⁴ Sanggamte aw, mi khat in, “Upna ka nei hi,” a cih hangin a sepna in a zuih kei leh bang phattuamna om ding ahi hiam? Tua a upna bek in amah hon khia ding ahi hiam?

Jeim 2:14 Referans Kwoze

Luka 6:49

Ka thu a zak ciangin a zui lo mi in, khuam phut lo lei tungah inn a lam mi tawh kibang hi. Hawktui in tua inn a nawk ciangin thakhatin a puk hi. Tua inn siatna in siatna lian ahi hi,” ci-in a gen hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

2 PETER NIHNA 1:5

Ahi hi. Tua thu hangin note in upna tungah hoihna, hoihna tungah lungpilna,

Jeim 2:26

Kha tawh a om lo pumpi in a si ahih mah bangin gamtatna hoih om lo upna in a si hi.

Hebru 11:17

Abraham in ze-etna a thuak ciangin upna tawh Isaak biakna-ah a pia hi. “Isaak tung bekah na suan na khak kici ding hi,” ci-a thupiak kholhna akipan thuciamnate lungdamin a sang mi hi-in, khat bek a neih tapa a pia hi.

Hebru 13:9

A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Jeim 2:18

Ahi hi, khat in, “Nangmah in upna na nei hi. Kei ka hih leh, gamtatna hoih ka nei hi: hong ci ding hi. Gamtatna hoih om lo na upna hong lak in. Keimah in ka hih leh, ka gamtatna tawh ka upna ka hong lak ding hi.

Sawltak 8:21

Nang in hih thu tawh na kikum na kituak kei hi. Bang hang hiam na cih leh, nangma lungsim in Pasian mai-ah a man kei hi.

Mattiu 5:20

Note’ gamtatnate in laitheite leh Farisaite’ gamtatnate sangin a phat zawk kei leh, Vantung Gamah na tung zo peuhmah kei ding uh hi.”

Titu 3:8

Hih thu in thuman thutak ahi hi. Hih thu ngaihsunin Pasian a um mite in gamtatna ahoihte ahih tawntung nading a kikep nadingun, hahkatin na hilh nading ka hong deih hi. Hih thute a pha uh tham loin mite’ phattuamna a piangsak thei uh hi.

1 TIMOTI MASA 1:5

Hih thupiakna’ deihna bulpi in, lungsim siangtho, lungsim kisuan’na om lohna leh thuman upna tawh a kipawl itna ahi hi.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

1 KORIN MASA 15:2

Tu-ma a, thu kong hilh thu in a mawkna hi ci loin umin na lungkip uh leh, tua thu hangin gupna na ngah ding uh hi.

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

Jeim 2:16

note lakah mi khat in, “Nuam takin pai in la, na khua lum-in, gil vah in,” a cih hangin, tua mi pumpi tawh a kituak na zat ding a piak kei leh, bang phattuamna a om hiam?

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Sawltak 8:13

Simon in zong um a, a kibaptaiz khit ciangin Filip kiangah om a, nalamdang lian leh lim a bawl a muh ciangin lamdang a sa hi.

Jeremiah 7:8

“En un, phattuamna a om het lo zuauthu na um tazen uh hi.

1 KORIN MASA 16:22

Mi khat peuhmah in Topa a it kei leh, tua mi in hamsiatna thuak ta hen. Topa hong pai hi!

ROM (Romans) 2:25

Pasian’ Thukham na zuih leh, vun atna hangin noptuamna a om hi. Ahi zongin Thukham na khialh leh, na vun atna in vun at lohna a suak kik hi.

Luka 3:11

Johan in, “Puan ak nih a neite in puan ak nei lote tawh hawm ta hen. An nek ding a neite in zong tua bangin hih ta hen,” a ci hi.

Jeim 1:16

Ka it ka ute ka naute aw, na kikheem kei un.