Jeim 2:13 - Tedim Bible

¹³ Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Tedim Bible Revision 2017

¹³ Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Jeim 2:13 Referans Kwoze

Mattiu 5:7

“Midang a hehpih theite in thupha a ngah ding uh hi. Bang hang hiam na cih uh leh, amau in zong hehpihna a ngah kik ding uh hi.”

Mattiu 6:15

Note in midangte mawhna na maisak kei uh leh, na Pa un note mawhna uh hong maisak lo ding hi.”

Paunak 21:13

Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

Luka 6:37

“Midangte’ thu na tan kei uh leh, thu tanna tawh na kipelh ding uh hi. Midangte na mawhsak kei uh leh, mawhsakna tawh na kipelh ding uh hi. Midangte’ mawhna na maisak uh leh, note mawhna a kimaisak ding hi.

Late 18:25

Thuman mi tungah nangmah na thuman a, kawkbang lo mi tungah na diktat hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Late 85:10

Itna kip leh thutakna kigawm ding a, thumanna leh kilemna kihual ding uh hi.

Jeremiah 9:24

A kisa theite in, keimah, leitungah migitna, thumanna leh thu tan’na zang ka hihna leh tuate sungah nuam a sapa ka hi hi, cih hong telna leh hong theihna uhah kisathei uh hen,” Topa in kong ci hi.

Thukhente 1:7

Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Piancilna 42:21

Tua ciangin amaute khat leh khat in, “A taktak i sanggampa tawh kisai-in eite i mawh hi, amah in eite' kiangah hong thumin eite in a thu i ngaih loh ciangin amah a lungkhamna i mu hi; tua ahih ciangin hih lungkhamna eite' tungah hong tung hi,” kici uh hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Luka 16:25

Abraham in, ‘Ka ta aw, nang na nuntak lai-in nopsakna na ngah a, tua mah bangin Lazaras in zong a pha lo nate ngah hi ci-in na ngaihsun kik in. Tu-in ahih leh, amah in nopna a ngah kik hi. Nang na hih leh, gimna na thuak hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

2 KHANG TANGTHU NIHNATE 28:11

Tu-in ka thugen hong za un la, na behte uh kiang panin na lak uh na galmatte uh puak kik un; bang hang hiam cih leh Topa’ hehna a lauhuai in note tungah om hi,” a ci hi.

Paunak 22:16

Hauh nop manin mihaute letsong pia leeng kizawn’lawh a, hauh nop manin mizawngte’ neihsa laksak leeng zong kihauhlawh tuan lo hi.

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Thukhente 5:27

Amah tuk hi, amah puk hi, tua nu khe kiangah amah taang loin om hi; ama khe phungah amah tuk hi, amah puk hi; a tukna munah, amah a si-in puk hi.