Jeim 2:11 - Tedim Bible

¹¹ Bang hang hiam na cih uh leh, “Mi’ zi tungah na mawh kei in,” a cipa in, “Mi na that kei in,” ci-in a kham lai hi. Tua ahih ciangin nang in mi zi tungah na mawh loh hangin mi na thah leh, Thukham a khial mi na hi hi.

Tedim Bible Revision 2017

¹¹ Bang hang hiam cih leh, “Nulepa mawhna na bawl kei in,” a ci pa mah in, “Mi na that kei in,” ci thuah lai veve hi. Nulepa mawhna na gamtat loh hangin mi na thah nakleh thukham palsat mah na hi veve hi.

Jeim 2:11 Referans Kwoze

ROM (Romans) 13:9

Bang hang hiam na cih uh leh, “Mi’ zi tawh na mawh kei in, Mi na that kei in, Mi’ na na gu kei in, Mi’ na na deihgawh kei in, a cihna thukhamte akipan adang thukham khempeuh in, “Na pumpi na it bangin na lawmte na it in,” cihna thukham khat sungah a om uh hi.

Luka 18:20

Thukhamte na thei hi. Mi’zi tawh na mawh kei in. Mi na that kei in. Mi’ sum na gu kei in. Ahi lo teci na pang kei in. Na nu leh na pa zahtak in,” a ci hi.

Marka 10:19

Thukhamte na thei hi. Mi na that kei in. Mi’ zi tawh na mawh kei in. Mi’ sum na gu kei in. Ahi lo teci na pang kei in. A kilawm loin mi’ sum na laksak kei in. Na nu leh na pa na zahtak in,” a ci hi.

Mattiu 19:18

Tangvalpa in, “Bang thukhamte tang ding ka hi hiam?” a cih kik ciangin Jeus in, “Mi na that kei in. Mi’ zi tawh na mawh kei in. Mi’ sum na gu kei in. A hi lo teci na pang kei in.

Siampi Laibu 4:13

“Israel mihonte khempeuh in theih lohna hangin khialhna khat gamta-in tua pen mihonte in a phawk kei a, hih lo ding ci-in Topa in a thupiakte khatpeuh peuh amaute in hihin a mawh uh leh;

Siampi Laibu 4:22

“Ukpa khat khialin, hih lo ding ci-in Topa ama Pasian in a thupiakte khempeuh lakah khatpeuh peuh theihlohna hangin hih kha a, a mawh ciangin,

Siampi Laibu 4:2

“Israel mite tungah hih bangin gen in: Hih lo ding ci-in Topa in a thupiakte khatpeuh peuh mi khatpeuh in theih lohna hangin khial a, tuate khatpeuh a hih a,