Jeim 2:10 - Tedim Bible

¹⁰ Bang hang hiam na cih uh leh, Thukham khempeuh a zuih hangin khatpeuh peuh a khial mi in, Thukham khempeuh a khial zo hi.

Tedim Bible Revision 2017

¹⁰ Mi khatpeuh in thukham dang khempeuh a zuih hangin khat a khialh nakleh a vekpi-in a khial mah ahi hi.

Jeim 2:10 Referans Kwoze

Galati 3:10

Thukham tawh kipawl gamtatna a suang mi khempeuh in hamsiatna nuai-a om mi ahi uh hi. Bang hang hiam na cih uh leh, “Thukham laibu sungah a kigelh thu khempeuh a zui tawntung lo mi khempeuh in hamsiatna a thuak uh hi,” ci-in Lai Siangtho sungah a kigelh hi.

Thu-hilhkikna 27:26

“‘Hih thute zuihna tawh hih thu a kipsak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Galati 5:3

Tua bang ahi hi. Vunatna a thuak mi khempeuh teci ka pankik inah, tua bang mite in Thukham khempeuh siit loin a zuih nadingin leiba nei mi ahi uh hi.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

2 PETER NIHNA 1:10

Tua ahih ciangin ute naute aw, note hong sapna leh hong teelna kipsak nadingin, nakpi-in hahkat zaw un. Tua bang na hih uh leh, na puk ngei kei ding uh hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.