Jeim 2:1 - Tedim Bible

¹ Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

Tedim Bible Revision 2017

¹ Sanggamte aw, minthanna vang tawh a kidim i Topa Jesu Khris umin na om laitakun a pualam a kilang pian ziate siksanin mi na deidan kei un.

Jeim 2:1 Referans Kwoze

Paunak 24:23

Mipilte’ thugen dangte in: Mi langmuh-a thukhenna hoih lo hi.

Jeim 2:9

Ahih hangin mi maitang zahtak tuam na neih uh leh, gitlohna a bawl mi na hi uh hi; thungai lo mi cihna Thukham in note tungah thu hong khen ding hi.

Thu-hilhkikna 16:19

Thutang na heikhia kei ding uh hi; angvanna na nei kei ding uh hi; sumgolh in mi pilte’ mit tawsakin thumante’ thu heikhia ahih manin sumgolh na la kei ding uh hi.

Siampi Laibu 19:15

“Note in thukhenna ah thuman lo na hih kei ding uh hi; note in mizawngte langgen loin, a liante thu zui loin, thumanna tawh na vengte thu na khen ding uh hi.

Thu-hilhkikna 1:17

Thukhenna ah angvan na nei kei ding uh hi; a neu leh a liante a kibangin na ngai ding uh hi; mihing maitang na zahtak kei ding uh hi; bang hang hiam cih leh thukhenna in Pasian’ aa ahi hi; note adingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Paunak 28:21

Mi langbawlna hoih lo a, ahi zongin letsong neucik khat hangin thukhente gamta khial thei zel hi.

2 KHANG TANGTHU NIHNATE 19:7

Tu-in note in Topa zahtak un la, na hihnate uhah kingaihsun un. Bang hang hiam cih leh Topa i Pasian in thuman hei khiatna, mi deidanna, leh sumgolh laknate deih lo hi,” a ci hi.

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Juda 1:16

Tua mite in phunin a mawhsak thei mi, amaute lunggulh deihgawhna bangin a gamta thei mi, a kam un kisaktheihna thu a gen thei mi, amau noptuamna ngaihsunin mi maitang a zahtak thei mi ahi uh hi.

1 TIMOTI MASA 5:21

Thu ma khen loin, gup tuam neihna lungsim tawh bangmah bawl loin, hih thute na zuih nadingin Pasian’ mai, Khazih Zeisu’ mai leh a kiteel vantungmite mai-ah pha takpi-in thu kong pia hi.

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

Mangmuhna 14:12

Hih na-ah Pasian’ thukhamte leh Zeisu upna a zui misiangthote thuakna a om hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

1 TIMOTI MASA 1:19

Mi kimkhat in tua upna a nial uh a, amau upna teembaw a siasak uh hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

ROM (Romans) 1:11

Note na lungkip theih nadingun note kiangah Kha Siangtho’ thupha hehpihna khat peuhmah kong piak na’ngin nomau mu nuam ka hi hi.

Sawltak 24:24

Tua nung ciang a sawt loin Feliks Mangpipa in Judah mi ahi, a zi Drusilla tawh hong paikhawm a, Paul samin Zeisu Khazih upna thu a ngai uh hi.

Sawltak 7:2

“Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

Sawltak 10:34

Piter in a kam ka-in thu a hilh-inah, “Pasian in mite maitang et tuam a nei kei hi cih ka thei takpi hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Jeim 1:16

Ka it ka ute ka naute aw, na kikheem kei un.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.