Jeim 1:4 - Tedim Bible

⁴ Note in a neu kha beek kisam loin na kicin’ nadingun, thuakzawhna lungsim in kicing takin hong bawlpha ta hen.

Tedim Bible Revision 2017

⁴ A kisam bangmah om loin a cingtaak na suah theih nadingun na thuakna uh hangin a tawntungin na kip paisuak nadingun na ngaihsun un.

Jeim 1:4 Referans Kwoze

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Luka 21:19

Lung kipna tawh nuntakna na ngah ding uh hi.”

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Late 40:1

Topa lamenin ka ngak ngiungeu a, amah keima lam hong nga-in ka kikona aw hong za hi.

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

JOB (Job) 17:9

Mite’ zahtak-a kinei mite in, amau’ ngaihsutna man sa semsem uh hi. Thuman sem mite in thahat semsem ding hi.

Paunak 4:8

Pilna deih in, mi lianin nang hong bawl ding hi; limtak pom in, pahtawina hong ngah sak ding hi.

2 PETER NIHNA 1:9

Tua gamtat pha a nei lo mi in mittaw a, a muhna tom a, ama mawhna luite sawp siangna thu a mangngilh hi.

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Marka 10:21

Zeisu in tua pa a et ciangin it a, “Na khat na sam lai hi. Pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Mattiu 19:20

Tua tangvalpa in, “Tua thu khempeuh ka tang zo hi. Bang sam lai ka hi hiam?” a cih kik ciangin,

1 THESALONIKA MASA 5:23

Nopna hong pia Pasian mah in note khempeuh hong siangthosak ta hen. Note lungsim, na kha leh na pumpi uh, i Topa Zeisu Khazih hong pai kik ciangin mawhsakna tawh a kipelh nadingun hong keem ta hen.