Jeim 1:27 - Tedim Bible

²⁷ I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Tedim Bible Revision 2017

²⁷ Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Jeim 1:27 Referans Kwoze

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

1 TIMOTI MASA 5:4

Ahih hangin ta leh tu a nei meigongnu ahih leh, a tute a tate in a masa-in amau innkuanpihte zahtakin, a pa, a pite’ hehpihna thukkik nading sin uh hen. Bang hang hiam cih leh, tua bang hihna in Pasian mai-ah a deihhuai ahi hi.

Late 119:1

Amau gamtatna-ah paubaan’na om lo a, Topa’ ngeina sunga gamtate in thupha ngah ahi hi!

1 TIMOTI MASA 1:5

Hih thupiakna’ deihna bulpi in, lungsim siangtho, lungsim kisuan’na om lohna leh thuman upna tawh a kipawl itna ahi hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Late 68:5

Pa nei lote’ pa leh meigong numeite a hupa in, ama omna siangtho sunga om Pasian ahi hi.

Mattiu 5:8

“Lungsim siangthote in thupha a ngah ding uh hi. Bang hang hiam na cih uh leh, amau in Pasian a mu ding uh hi.”

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

1 JOHAN MASA 5:18

Pasian’ pian’sak mi khempeuh in mawhna ahih zom kei hi ci-in i thei hi. Pasian’ pian’sak mi in ama pumpi kem a, a gilo mi in tua mi a sukha thei kei hi.

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.

Galati 1:4

Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Thu-hilhkikna 14:29

Topa na Pasian un na sepnate khempeuh uhah thupha hong piak theih nadingin, note tawh kibangin amaute in tanh ahi a, luah ahi zongin nei loh uh ahih manin Levi mite’ peemta, pa nei lo, leh meigong numei ahi note’ khua sunga omte hong pai-in ne-in a gilvah ding uh hi.

Late 146:9

Topa in peemtate kem a, meigong numei leh pa nei lote a huh hi; ahih hangin amah in migilote’ vaihawmna suksiatsak hi.

Mattiu 12:32

Mihing Tapa a gensiate, a mawhna kimaisak thei ding hi. Kha Siangtho a gensiate’ mawhna ahih leh, tu khang laitak ahi zongin, tu nung khang ahi zongin kimaisak zo lo ding hi.”

ROM (Romans) 2:13

Bang hang hiam na cih uh leh, Thukham a zate in Pasian mai-ah dikkisakna a ngah kei ding uh hi; Thukham banga a zuite bek in dikkisakna a ngah ding uh hi.

Galati 3:11

Thukham zuihna hangin mi khat beek in Pasian mai-ah diktansakna a ngah kei hi cih tel takin a kilang hi. Bang hang hiam na cih uh leh, “Midik in thu upna tawh a nungta ding hi,” ci-in a kigelh hi.

Jeim 3:9

Tua leii tawh eite in i Topa leh i Pa i phat thei hi, Pasian’ lim banga kibawl mite, leii tawh i samsia thei hi.

2 PETER NIHNA 1:4

Tuate hangin zong a manpha a lian mahmah thuciamnate eite hong pia zo hi. Bang hang hiam na cih uh leh, hih thuciamnate suangin deihgawhna hangin hih leitungah a om kisiat gawpna tawh note in kipelhin, Pasian’ nuntakna tawh kizom mi na suah nading uh ahi hi.

2 PETER NIHNA 2:20

I Topa leh Honpa Zeisu Khazih theihtelna hangin leitung kihhuaina tawh a suahtak khit uh ciangin, khat vei awk kikin a lelh uh leh, a nung ciangin a pian’ in a pian’masak sangin a gilo zaw hi.

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.