Jeim 1:24 - Tedim Bible

²⁴ Bang hang hiam na cih uh leh, a mai a et khit ciangin mun dangah pai-in ama meel bang ci bang mi ahi hiam cih a mangngilh pah hi.

Tedim Bible Revision 2017

²⁴ Limlang ah a ki-en mipa in amah hoihtakin a kimuh khit ciangin paikhia a, bangci pian ka hi hiam cih a mangngilh pah hi.

Jeim 1:24 Referans Kwoze

2 PETER NIHNA 3:11

Hih na khempeuh tua bangin mangthang ding ahih ciangin, vantungte in mei hangin kisia-in, vanah a om nate in sa lua-in a tuisuak ding hun Pasian’ Ni hong tung ding ci-in note in lamenin lawpin, gamtatna siangtho gamta-in, Pasian biakna-ah nopsakna tawh na om ding uh kilawm hilo ahi hiam?

Luka 7:39

Zeisu an a vak Farisaipa in a muh ciangin, “Hih mi in Pasian’ kamsangpa ahih takpi leh, a lawng hih numei in bang mi ahi, a gilo numei hi, ci-in a thei ding hi,” ci-in a lungsim sungah a gen hi.

Luka 1:66

A za khempeuhte in a lungsim sung uh ah ciamteh uh a, “Hih naungeek in bangci bang mi hi ding ahi hiam?” a ci uh hi. Bang hang hiam i cih leh, Topa’ khut in amah tawh a omkhawm hi.

1 THESALONIKA MASA 1:5

Bang hang hiam na cih uh leh, kote in note tawh ka omkhawm lai takun, note adingin bang ci mi ka hih uh na theih uh mah bangin, kote’ hilh Lungdamna Thu in note sungah kampau bek hi loin vangliatna tawh ahi zongin, up khialhna om loin lungkim taktakna tawh a dim thu ahi hi.

Mattiu 8:27

Tua mite in, “Hih pa in bangci mi ahi hiam? Huih leh tuipi nangawn in a thu a ngai tazen uh hi!” ci-in lamdang a sa uh hi.

Thukhente 8:18

Tua ciangin amah in Zebah leh Zalmunna kiangah, “Tabor-ah na thah uh mite koi-ah om ahi hiam?” a ci hi. Amaute in, “Amaute, nangmah bang uh hi; amaute in kumpipa’ tapate suun uh hi,” a ci uh hi.

Jeim 1:23

Mi khat in thu zui lo-a a ngaih bek leh, tua pa in limlang ah ama maitang a en mi tawh kibang hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.