Jeim 1:22 - Tedim Bible

²² Note’ pumpi uh kikheemin thungaite bek hi kei un; thu banga gamtate na hi un.

Tedim Bible Revision 2017

²² Nomau kikhem tawmin thu zak bek tawh maisak kei unla, na zak bangun zui-in sem zaw un.

Jeim 1:22 Referans Kwoze

ROM (Romans) 2:13

Bang hang hiam na cih uh leh, Thukham a zate in Pasian mai-ah dikkisakna a ngah kei ding uh hi; Thukham banga a zuite bek in dikkisakna a ngah ding uh hi.

Johan 13:17

Tua nate thei-in na hih le-uh teh, thupha na ngah ding uh hi.

Jeim 4:17

Tua ahih ciangin gamtatna hoih thei napi-in a gamta lo mi tungah mawhna a om hi.

1 JOHAN MASA 2:3

Eite in amah bang i ci theih tel thei ding hiam na cih uh leh, ama thupiaknate i zuih leh, i thei ding hi.

Luka 11:28

Zeisu in, “Pasian thu za a, a mangte in thupha a ngah zaw ding hi,” ci-in a gen hi.

Mattiu 12:50

Bang hang hiam na cih uh leh, vantungah a om ka Pa’ deihna bangin a gamtate in, ka sanggampa, ka sanggamnu, ka nu ahi uh hi,” a ci hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Mangmuhna 22:7

En in, a manlangin ka hong pai ding hi! “Hih laibu-ah a om, a nung ciangin a piang ding nate genkholhna thute a zui mi in thupha ngah mi ahi hi,” hong ci hi.

1 JOHAN MASA 3:7

Ka ta neute aw, lam hong khialsak thei dingin kuamah kizolsak kei un. A diktat mi in Topa a dik mah bangin a dik hi.

Jeim 1:26

Mi khat in, “Pasian ka bia hi,” ci-in amah a ki-up hangin ama kam a kham kei leh, tua mi in a kikheem suak a, ama biakna in a mawkna ahi hi.

Galati 6:7

Note in na ngaihsun khial kei un. Pasian in thudon lohnate mang ahi kei hi. Mi khatpeuh in khaici a vawh bangin a gah a at kik ding hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

Galati 6:3

Bang hang hiam na cih uh leh, mi khat in bangmah ahi lo napi-in na khat peuhpeuh ka hi ci-in a ki-up leh, tua mi in ama pumpi a kheem hi.

1 KORIN MASA 6:9

Mi diklote in Pasian’ Gam a luah theih loh ding thu thei lo na hi uh hiam? Na kikheem kei un: Numei tawh a mawhte, milim a biate, mi’ zi tawh a mawhte, pasal leh pasal a khialte, tua thute ah thuneite;

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

1 JOHAN MASA 1:8

Eite in, “Ka mawhna a om kei hi,’ ci leng eimah mah kikheem i hi a, thuman thutak eite sungah a om kei hi.

Filippi 4:8

A khak bel thu in: ute naute aw, thuman thu tawh kipawl nate, zahtakhuai nate, adik nate, a siangtho nate, deihhuai nate, phathuai nate khempeuh ahi zongin, tatna pha khatpeuh peuh, thu phatna khatpeuh peuh tawh a kipawl nate ahi zongin na lungsim sung uhah na ngaihsun un.

1 KORIN MASA 15:33

Na kikheem kei un, ‘Mipha lote tawh kikholhna hangin gamtatna pha kisia thei hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

2 PETER NIHNA 2:13

gitlohna thaman ahi gitloh bawlna a thuak ding uh hi. Tua mite in sun lai takin pawikham uh a, noptatin a om uh hi. Note tawh pawi a kham uh ciangin amau kheemna tawh noptat lua-in a nin baang kinuh mi ahi uh hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Obadiah 1:3

Na lungsim kiphatsakna un note a hong khem zo hi. Note in suang kulhpi beelin, mual dawnah na teen manun, “kua in a hong kiasak zo ding hiam?” ci-in na ngaihsun uh hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

1 KORIN MASA 3:18

Kuamah peuhmah amah leh amah kikheem kei hen. Note lakah mi khatpeuh mah in hih leitung pilna ka nei hi ci-in a ki-up leh, tuapa in mi lungpil a suah nadingin mihai suak hen.

2 TIMOTI NIHNA 3:13

A gilo leh mi kheem thei mite a hih uh leh, gilo semsem ding uh a, midangte kheemin, amau mahmah zong a kikheem ding uh hi.

Jeremiah 11:6

Tua ciangin Topa in kei kiangah, “Hih thuciamna thute ngai-a a sep nadingun Judah gam khuapite leh Jerusalem thute ngai-a a sep nadingun Judah gam khuapite leh Jerusalem khua kongzing lakah va tangko in.

Jeim 4:11

Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.