Jeim 1:21 - Tedim Bible

²¹ Tua ahih ciangin a kihhuai na khempeuh leh hazat luatna lungsimte paaikhia-in, na kha uh hong gum thei note’ lung sungah a kituh Pasian’ thu lungnemna tawh na sang un.

Tedim Bible Revision 2017

²¹ Tua ahih manin ngeina hoih lote le gamtat siate khempeuh nusia unla, Pasianʼ thu mangin noteʼ lungsim sungah a hong koih thu zui un. Tua thu in note hong hon khia thei hi.

Jeim 1:21 Referans Kwoze

Efesa 1:13

Note in zong note hong gupna thu tawh kipawl Lungdamna Thu ahi thuman thutak ngai-in, tua Khazih na up khit uh ciangin thuciamna tawh kipawl Kha Siangtho-a ciamtehna na ngah zo uh hi.

1 PETER MASA 2:11

Ka itte aw, kha tawh a kido thei pumpi tawh kipawl deihgawhnate khempeuh na tan’ nadingun, khualzinte, mi peemte bang ahi note ka hong thuum hi.

Johan 6:63

Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

Late 25:9

Amah in lungsim kiniamkhiat mite a man-ah paipih-in a zia a tong hilh hi.

1 PETER MASA 2:1

Tua ahih ciangin Topa in a pha hi ci-in note in na ciam zo uh ahih leh, gitlohna khempeuh, mi kheemna leh simtatna leh en’na khempeuh, gensiatna apawl apawl khempeuh note in paaikhia-in hong gupkhiatna ah na khan’toh nadingun Pasian’ thu nawizu siangtho a duh a suak tung naupangte bangin lungsim na nei un.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

Titu 2:11

Bang hang hiam na cih leh, thupha lametna, a lian Pasian leh eite Honpa Topa Zeisu Khazih, minthan’na tawh hong kilat ding eite in lamenin, Pasian thu tawh kituak lo gamtatna leh deihgawhnate

ROM (Romans) 1:16

Khazih’ Lungdamna Thu hangin ka maizum kei hi. Bang hang hiam na cih uh leh, tua thu in a masa-in Judah mite, a nung ciangin Grik mite akipan a um mi khempeuh in gupna a ngah nading Pasian’ vangliatna ahi hi.

Hebru 4:2

Bang hang hiam na cih uh leh, eite in Lungdamna Thu tuate mah bangin i za zo hi. Ahih hangin amau a zak uh thu in a za mite lakah upna tawh a kigawm lo ahih ciangin, phattuamna a om kei hi.

1 KORIN MASA 15:2

Tu-ma a, thu kong hilh thu in a mawkna hi ci loin umin na lungkip uh leh, tua thu hangin gupna na ngah ding uh hi.

ROM (Romans) 6:17

Note in mawhna sila na hih ngei uh hangin, tu-in na ngahsa uh thuhilhna, deihna lungtang tawh na ngai uh ahih ciangin Pasian’ hehpihna ka phat hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Isaiah 30:22

Tua ciangin note in ngun tawh a kizut na milimte uh leh kham a kiluan’ a kisung na milimte uh numei nindalna puan bang hi. Nin bangin tuate na thehthang ding uh a, tuate tungah, “Bei mang un!” na ci ding uh hi.

Isaiah 2:20

Amah pen leitung liingsak gawp dingin a thawh ni hun ciangin, Topa kihtakna leh alian ama minthan’na panin suang hawmpite sung leh keen hawmte sungah a buk theih nadingun, mite in biak ding a, amau bawl ngun milimte leh kham milimte pen buite leh bakte paih ding uh hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

ROM (Romans) 11:17

A hiang kimkhat in a kitan khit ciangin gamlak oliv hiang ahi nangmah in, amau pum tungah pehin kibulh a, hiangte tawh kibangin oliv sing thazung tui zomin na neek leh,

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Mattiu 5:5

“Lungnemte in thupha a ngah ding uh hi. Bang hang hiam na cih uh leh, amau in leitung a luah ding uh hi.”

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Ezekiel 18:31

Na gamtatnasa uh mawhna khempeuh nusia un la, na lungsim leh na ngaihsutna uh thaksuahsak un. Bang hangin no Israel mite si nuam na hi uh hiam?

1 THESALONIKA MASA 1:5

Bang hang hiam na cih uh leh, kote in note tawh ka omkhawm lai takun, note adingin bang ci mi ka hih uh na theih uh mah bangin, kote’ hilh Lungdamna Thu in note sungah kampau bek hi loin vangliatna tawh ahi zongin, up khialhna om loin lungkim taktakna tawh a dim thu ahi hi.

Efesa 5:4

A kilawm lo kihhuaina kam, a mawkna kam, amawkna kamsiate zong paaikhia un la, Pasian’ hehpihna phatna kamte zang un.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Jeim 5:20

midang khat in tua mi a kiheisak kik leh, mawhnei mi’ lam pialna pan kihei kiksak a, kha khat sihna pan gumkhia a, mawhna tampi a khuhsak mi ahi ding hi ci-in thei ta hen.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.