Jeim 1:19 - Tedim Bible

¹⁹ Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Tedim Bible Revision 2017

¹⁹ Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Jeim 1:19 Referans Kwoze

Paunak 17:27

Thu a thei taktakte in gengen khol lo a, a paupau khollote thu mu taktak hizaw hi.

Paunak 21:23

Kampau a ki-ip zote, lungkhamna tawh kipelh hi.

Paunak 14:29

A lungduaite mipil hi a, lungtomna in haina kilatna hi.

Paunak 10:19

Kam tam paute, tampi khial a, pau ip theite mipil hi.

Paunak 18:13

A thu zakhin nai lopi-a dawn’kikna in, haina leh maizumhuaina ahi hi.

Paunak 13:3

Pau a ki-ip zo mi in a nuntakna a hu hi a, a mawk paupau mi in amah a kisiasak tawm ahi hi.

Paunak 16:32

Vangliatna sangin lungduaina hoihzaw a, khuapi khat ukna sangin eima pumpi ki-uk zawhna hoihzaw hi.

Efesa 4:26

Hehna tawh khialhna om sak kei un. Na hehna uh dam loin ni na tum sak kei un.

Paunak 15:18

Lungtomna in kitotna piangsak a, lungduaina in kilemna piang sak hi.

Kolose 3:8

Tu-in ahih leh, tua khialhna khempeuh ahi zongin, hehna, thangpaihna, hazatna, mindai nading gensiatna, kam kihhuai zatnate ahi zongin, na muk uh pan paaikhia un.

Efesa 4:31

Kimuhdahna khempeuh, hehna khempeuh, thangpaihna khempeuh, han’sanna khempeuh, mindai nading mi gensiatna khempeuh, hazatna khempeuhte note kiang pan na paaikhia un!

Paunak 18:21

Kampauna in sihna ahi a, hin’na ahi zongin piangsak thei a, i kampauna banga piangte san’loh phamawh hi.

Kolose 3:15

Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthan’na hi.

Paunak 15:2

Mipilte in pilna thu gen a, mihaite in haina thu gen hi.

Paunak 25:28

Ama lungsim a ki-uk zolopa in, dalna kulhpi a nei lo khuapi tawh kibang hi.

Paunak 14:17

A lungtom mite hai gamtat a, ngaihsutna hoih lo a neite kimudah hi.

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Paunak 17:14

Kitot i kipat ciangin tui lipi cin’na phung kehsak khak tawh kibang hi; tua ahih manin a nasiat ma-in kitot khawl pak in.

Jeim 1:26

Mi khat in, “Pasian ka bia hi,” ci-in amah a ki-up hangin ama kam a kham kei leh, tua mi in a kikheem suak a, ama biakna in a mawkna ahi hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi; amaute lung khauh niloh uh a, a salsuahna uh Izipt-ah a paipih kik dingin makai khat seh uh hi. Ahi zongin nang in mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Luka 19:48

Ahih hangin mite in ama thu ngai-in beel uh ahih ciangin amah thah nading thu a mu zo kei uh hi.

Marka 2:2

Kongvang gei nangawn ah om nading om lo zah dongin mi tampite a kikhawm uh a, Zeisu in amaute kiangah thu a hilh hi.

Paunak 19:19

Migilopa, ama thuak ding daan mah thuaksak zaw in; honkhia lecin, na hotkhiat kik zelzel kul ding hi.

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

Luka 15:1

Tua lai takin siahdongte leh migilote khempeuh in Zeisu’ thu ngai dingin a kiangah a nai uh hi.

Nehemiah 9:3

Tua ciangin amau’ omna mun ciat uhah ding-in Topa amau’ Pasian’ thukham laibu nai thum sung sim uh a, a dang nai thum sung amaute in mawhna pulakin Topa a Pasian uh zahtakna bawl uh hi.

1 JOHAN MASA 2:21

Note in thuman thutak na thei loh manun lai hong gelh ka hi kei hi. Note in thuman thutak na thei uh ahi zongin, thuzuau khat beek in thuman tawh kipawl lo ahi zongin na theih manunah lai kong gelh hi.

Sawltak 13:48

Gentailte in hih thu a zak uh ciangin a lung uh a dam mahmah a, Pasian’ thu a phat uh hi. Nuntakna ngah ding Pasian in a teelsate in thu a um uh hi.

Marka 12:37

David in, ‘Khazih, Topa hi,’ ci ahih ciangin, bangci-in ama ta ahi thei ding hiam?” ci-in a dong hi. Mihonte in nuam mahmahin a thu a ngai uh hi.

Nehemiah 8:18

Tua hi a, akipat ni-a kipan abei ni dong Ezra in ni simin Pasian’ thukham laibu simkhia hi. Amaute in ni sagih sung tua pawikham uh a, a ngeina om bangin a ni giat ni-in pawi khupna a thupi kikhopna khat om hi.

Gamlak-vakna 22:27

La in Topa’ vantungmi a muh ciangin Balaam nuai-ah lumsuk hi; Balaam heh mahmah a, a ciangkhut tawh la sat hi.

Paunak 29:20

Thu ngaihsun lo-a pheng paupau mipa sangin, mihaipa adingin lametna om zawlai hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Jeim 1:16

Ka it ka ute ka naute aw, na kikheem kei un.

Jeim 2:1

Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Jeim 3:10

Kam khat bek panin phatna leh samsiatna a paikhia thei mawkmawk hi. Ka u ka naute aw, tua banga hih ding kilawm lo hi.

Jeim 4:11

Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.

Jeim 5:12

Ka u ka naute aw, thu khempeuh tungah kiciamna pha takin na tang un; vantung tawh na kiciam kei un, leitung tawh na kiciam kei un. Bangmah dang tawh na kiciam kei un. Thukhenna tawh na kipelh theih nadingun ah, “Ahi hi,” na cih uh ahi mah hi ta hen; “Ahi kei hi,” na cih uh a hi lo mah hi ta hen.

Jeim 5:19

Ka u ka naute aw, note lakah mi khatpeuh mah in thuman thutak lam pan pial a, a khialh ciangin,

JOB (Job) 32:16

Amaute pau loin a om ciangun kei zong ngak lai ding ka hi hiam? Amaute in gen ding thei nawn loin ommawk uh hi.