Jeim 1:17 - Tedim Bible

¹⁷ A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Tedim Bible Revision 2017

¹⁷ A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Jeim 1:17 Referans Kwoze

Johan 3:27

Johan in, “Vantung panin a kipiak kei leh, kuamah in bangmah a ngah thei kei hi.

Mattiu 7:11

Note in migilo na hi napi-un na tate uh a hoih na piak uh leh, tua sangin vantungah a om na Pa un a ngente a hoih, a bang zah a hong pia zaw ding hiam?

Hebru 13:8

Zeisu Khazih in zanni, tuni, atawntungin kikheel loin a om hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

1 JOHAN MASA 1:5

Ama kiangah ko ka zak uh a, note kiangah kong hilh uh thu in: Pasian in khuavak hi a, ama sungah khuamial a om peuhmah kei hi.

Paunak 2:6

Bang hang hiam cih leh pilna a piapa in Topa hi a, amah in pilna leh siamna a hilhpa ahi hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Malakhi 3:6

Keimah in Topa ka hi a, lungsim a kheel lo mi ka hi hi. No Jakob’ suan-le-khakte aw, a sia cimit na hi nai kei uh hi.

Efesa 2:8

Bang hang hiam na cih uh leh, note in thu-upna hangah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong ahi hi.

Luka 11:13

Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

1 KORIN MASA 4:7

Kua in note hong kilamdang sak hiam? Na ngah loh, na san’ loh uh khat beek na nei uh hiam? Na ngah, na san’ uh leh, a sang lo, a ngah lo bangin bang hangin kisathei na hi uh hiam?

1 JOHAN MASA 4:10

Eite in Pasian i itna hang hi lo hi, Pasian in eite hong it a, eite mawhna hong tat nadingin ama Tapa hong sawlna ah itna hong kilang hi.

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Johan 1:9

Khuavak taktak a om hi. Tua khuavakna in leitung a, piang mi khempeuh a vaksak hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

1 KHANG TANGTHU MASATE 22:12

Amah in Israel tungah nang hong uksak ciangin Topa na Pasian’ thukham na zuih theih nadingin Topa in ngaihsut pilna leh thutelna nang tungah hong pia ta hen.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Isaiah 60:19

Sun hunin ni pen nangma khuavak hi loin, zan hunin kha pen nangma khuavakna hi nawn lo ding hi; Topa pen a tawntung nangma khuavak hi ding a, na Pasian pen nangma minthan’na hi ding hi.

1 SAMUEL MASA 15:29

Israelte’ minthan’na in zong zuau gen lo ding a, zong kisik lo ding hi; bang hang hiam cih leh a kisik dingin amah in mi hi lo hi,” a ci hi.

Piancilna 41:16

Josef in Faro dawngin, “Tua in kei' sungah om lo hi; Pasian in Faro' tungah a hoih lamin dawn’na hong pia ding hi,” ci hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

1 KHANG TANGTHU MASATE 29:19

Amah in a lungsim khempeuh tawh na thupiaknate, na tecipannate, leh na thukhamte kemin a vekpi-in sem a, keimah in ka vaihawmsa inn lianpi amah in lam theih nading ka tapa Solomon tungah utna lungsim guan in,” a ci hi.

Gamlak-vakna 11:17

Keimah hong pai sukin tua munah nang tawh i kiho ding hi; keimah in nang sunga om lungsim pawl khat la-in amaute sungah ka guang ding hi; nang guak in na puak loh nadingin amaute in mite’ vangik hong puakpih ding uh hi.

Jeim 3:15

Tua bang pilna in vantung pan hong tung pilna ahi kei hi; leitung pilna, pumpi pilna, dawi gilo pilna ahi hi.

Isaiah 45:7

Keimah in khuavak leh khuamial piangsakin, a pha nate leh a sia nate ka piangsak a, hih nate khempeuh a bawlpa in keimah Topa ka hi hi.

Filippi 1:29

Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Isaiah 28:26

Bang hang hiam cih leh amah a manin kihilh hi; ama Pasian in amah hilh hi.

Late 122:6

Jerusalem khuapi’ nopsak nading thu ngen un la, “Nang hong itte a dau uh pai ta hen!

Thu-hilhkikna 4:19

Note in na mit uh tawh vantung lam en to-in, ni leh kha leh aksite, vantung na khempeuh na muh uh ciangin, vantung nuai khempeuh a, mite tungah Topa na Pasian un a piak nate lamah kihei-in tuate bia-in a na na sep khak ding uh kidawm un.

Gamlak-vakna 11:25

Tua ciangin meii sungah Topa hong pai sukin amah hopih a, ama sunga om lungsim pawl khat la-in upa sawmsagihte sungah a guang hi; amaute sungah tua lungsim a om ciangin, amaute in thu a genkhol uh hi. Ahih hangin amaute in tua khit zawh hih nawn lo uh hi.

Late 85:12

Hi hi, Topa in a hoih nate hong pia ding a, i leitang in hauhna piangsak ding hi.

Late 102:27

ahih hangin nang na kibang ngitnget a, na nuntak kumte in mong nei lo hi.

Late 136:7

khuavak lianpite a bawlpa tungah, bang hang hiam cih leh ama itna kip kho tawntung hi;

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.