Jeim 1:16 - Tedim Bible

¹⁶ Ka it ka ute ka naute aw, na kikheem kei un.

Tedim Bible Revision 2017

¹⁶ Sanggamte aw, miteʼ khem sa-in om kei un.

Jeim 1:16 Referans Kwoze

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Galati 6:7

Note in na ngaihsun khial kei un. Pasian in thudon lohnate mang ahi kei hi. Mi khatpeuh in khaici a vawh bangin a gah a at kik ding hi.

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

Hebru 13:1

Ute naute ki-itna kip ta hen.

Kolose 2:4

Kuamah in kheemna kam tawh note hong kheem zawh loh nadingin hih thu ka hong gen hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

2 TIMOTI NIHNA 2:18

Amaute in, “Misite’ thawhkikna a kheng zo hi,” ci-in thu-upna lam pan pialin mi kimkhatte’ upna a siasak uh hi.

Filippi 4:1

Tua ahih ciangin ka lungnopna leh ka kisaktheihna lukhu, ka it ka ngaih ahi ute naute aw, tua bangin Topa sungah kipin om un, ka itte aw!

1 KORIN MASA 6:9

Mi diklote in Pasian’ Gam a luah theih loh ding thu thei lo na hi uh hiam? Na kikheem kei un: Numei tawh a mawhte, milim a biate, mi’ zi tawh a mawhte, pasal leh pasal a khialte, tua thute ah thuneite;

Marka 12:27

Pasian in a site’ Pasian hi loin a nungtate’ Pasian ahi hi. Nakpi-in na khial uh hi,” a ci hi.

Marka 12:24

Zeisu in zong, “Note in Lai Siangtho ahi zongin, Pasian’ vangliatna ahi zongin thei lo na hih uh ciangin, um khial hilo na hi uh hiam?

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Jeim 2:1

Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

Jeim 2:14

Ka u ka naute aw, mi khat in, “Upna ka nei hi,” a cih hangin ahoih a gamtat kei leh, bang phattuamna a om hiam? Tua upna in tua mi gumkhia zo ding ahi hiam?

Jeim 3:1

Ka u ka naute aw, Sia a sem kote in a khauhzaw thukhenna thuak ding ka hih manun note a tampi Sia suah ding na sawm kei un. Bang hang hiam na cih uh leh eite in thudotna i thuak zaw ding hi ci-in na thei ta un.

Jeim 3:10

Kam khat bek panin phatna leh samsiatna a paikhia thei mawkmawk hi. Ka u ka naute aw, tua banga hih ding kilawm lo hi.

Jeim 4:11

Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.

Jeim 5:12

Ka u ka naute aw, thu khempeuh tungah kiciamna pha takin na tang un; vantung tawh na kiciam kei un, leitung tawh na kiciam kei un. Bangmah dang tawh na kiciam kei un. Thukhenna tawh na kipelh theih nadingun ah, “Ahi hi,” na cih uh ahi mah hi ta hen; “Ahi kei hi,” na cih uh a hi lo mah hi ta hen.

Jeim 5:19

Ka u ka naute aw, note lakah mi khatpeuh mah in thuman thutak lam pan pial a, a khialh ciangin,