Jeim 1:14 - Tedim Bible

¹⁴ Ama lunggulhna in kai a, zolna a thuak ciangin mi khempeuh in ze-etna a thuak hi.

Tedim Bible Revision 2017

¹⁴ Mi khatpeuh in ama deihna zui-in a gamtat ciangin mawhna a piangsak ahi hi.

Jeim 1:14 Referans Kwoze

Mattiu 15:18

Kam sung pan a paikhiate in lungsim sung pan paikhia ahih ciangin mi a ninsak thei hi.

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

ROM (Romans) 7:13

Tua bang ahih leh, a hoih a pha na in keima tungah sihna a suak ahi hiam? Tua bang hi zenzen lo hi. Mawhna in mawhna taktak ahihna a kilat nadingin a pha nate hangin keima sungah sihna thu a piangsak hi. Bang hang hiam na cih uh leh, mawhna in thukham hangin mawhna taktak a pian’ theih nading ahi hi.

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Mattiu 5:28

Ke’n kong cih-inah, numei khat peuhmah khialh nopna lungsim tawh a ente in, a lungsim sungah tua numei tawh a mawh zo hi.

ROM (Romans) 7:11

Bang hang hiam na cih uh leh, mawhna in thukham hangin thu ngah a, thukhamna tawh hong kheemin hong that hi.

JOB (Job) 31:27

Tua bang hih ding ngaihsutin zong ka nei ngei kei hi.

JOB (Job) 31:9

“Ka vengte’ zi zawlmit-in, a kong gei-ah ngakin ka buk taak leh,

Mattiu 15:20

Tuate in mi a ninsak thei hi. Khut sil loin an nekna in hong ninsak thei lo hi,” a ci hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Hosea 13:9

No Israelte kong sugawp ding hi. Kua in note hong huh zo ding ahi hiam?

Piancilna 3:6

Tua ahih ciangin singkung a hoihna, mi a pilsak dingin tua singkung a deihhuaina a muh ciangin, a singgah lo-in a ne hi; amah in zong singgah kimkhat a pasal pia a, a pasal in zong ne hi.

2 SAMUEL NIHNA 11:4

Tua ahih ciangin David in kamtaite sawlin tua nu la hi; tua nu ama kiangah hong pai a, amah in tua nu tawh lum hi. (Tua nu in a nitna panin kisian’suah hi.) Tua ciangin ama inn-ah ciah hi.

Mattiu 4:1

Tua ciangin dawimangpa’ kheemna thuak nadingin Kha Siangtho in, Zeisu gampa lakah a sawl hi.

Jeim 1:13

Mi khat in ze-etna a thuak ciangin, “Pasian in kei hong ze-et hi,” ci-in gen kei hen, Bang hang hiam na cih uh leh, ahoih lo tawh Pasian a kize-et zo kei hi, amah in zong kuamah ahoih lo na tawh a ze-et thei kei hi.

Jeim 1:15

Tua nung ciangin lunggulhna in gai-in mawhna a suak hi; mawhna in zong a kicin’ ciangin sihna a suak hi.