Jeim 1:11 - Tedim Bible

¹¹ Ni in a satna tawh hong suah ciangin lopa kung in keugaw a, a paak a vul thei a, a kilawmna a meelte zong a mangthang thei hi. Tua mah bangin sumhau mi in ama nate-ah vulin a mangthang ding hi.

Tedim Bible Revision 2017

¹¹ Ni hong suakin a sat ciangin lopate vul a, a paakte pulhin a hoihna teng a bei mah bangin a haute zong manlahin a om laitakun siatna a thuak ding uh ahi hi.

Jeim 1:11 Referans Kwoze

Marka 4:6

ni suak a, a sat ciangin zung kha zo lo ahih manin a vulgawp hi.

Mattiu 13:6

lei a dai manin, a po pah hangin, ni suak a, a sat ciangin, zung kha zo lo ahih manin a vul gawp hi.

1 PETER MASA 5:4

Tua bang ahih leh, Tuucing Ukpa hong kilat ciangin note in, a vul thei lo vangliatna lukhu na ngah ding uh hi.

1 KORIN MASA 7:31

sumleite in bangmah nei lo mah bang ding uh hi; hih leitung a zangte in a zang lo mah bang ding uh hi. Bang hang hiam na cih uh leh, hih leitung’ lim leh meel in a mangthang ding uh hi.

Late 102:4

Lungkham lua-in lopa bangin ka keutum a, an nangawn ka ne zo kei hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Thuhilh-sia 5:15

I nute’ sung panin bangmah nei loin tangguakin i suah mah bangin tangguak mahin i ciahkik hi. I sepnate, i ciahpih kik theih bangmah om lo hi.

Late 102:11

Keima nuntakna in nitak lam-a liim om tawh kibang a, lopa bangin kei ka vulgawp hi.

Late 37:2

Bang hang hiam cih leh amaute lopa bangin vul pak ding uh a, lokung hingte bangin keutum ding uh hi.

Late 39:6

Ni liim bangin mihing pai kawikawi takpi hi. A mawkna-in amau lungkham takpi uh a, kua in ngah ding cih thei lopi-in mite in nate khol hi.

Late 90:6

zingsangin palhin thaksuak kik a, nitak ciangin vulin keu uh hi.

Late 103:15

Mihing ahih leh ama nuntak hunin lopa tawh kibang hi; lo lai a paakte bangin amah palh hi;

Mattiu 6:30

Upna neute aw, tuni-in om a, zing ciangin mei khukah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

Mattiu 20:12

‘A tum nunungte in nai khat bek na a sem uh hi. Sun nilohin nakpi na sem a, nisa thuak kote tawh hong kibangsak hi,’ a ci uh hi.

2 SAMUEL NIHNA 22:46

Gamdang mite lungkia uh a, a phual kip panun liingin hong paikhia uh hi.