Jeim 1:10 - Tedim Bible

¹⁰ Sumhau sanggam in kiniamsakna a thuakna ah kilungdamsak thei ta hen. Bang hang hiam na cih uh leh, amah in lopa paak bangin mangthang hi.

Tedim Bible Revision 2017

¹⁰ Mihaute zong a niam uh ciangin lungdam veve uh hen. Lopa pak bangin a mangthang veve ding ahi uh hi.

Jeim 1:10 Referans Kwoze

1 PETER MASA 1:24

Bang hang hiam na cih uh leh: “Mi pawl khempeuh in lopa kung tawh kibang uh hi, Amaute’ minthan’na khempeuh zong lopa pak tawh kibang hi. Lopa kung a keu thei a, a pak zong a pulh thei hi;

1 JOHAN MASA 2:17

Leitung leh leitung deihgawhnate in a mangthang ding ahi uh hi. Pasian’ deihna bang a gamta mi ahih leh, a kip tawntung ding hi.

JOB (Job) 14:2

Amaute pakpalh bangin khangin keu pak uh a, niliim bangin pai hanhanin mangthang uh hi.

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

1 KORIN MASA 7:31

sumleite in bangmah nei lo mah bang ding uh hi; hih leitung a zangte in a zang lo mah bang ding uh hi. Bang hang hiam na cih uh leh, hih leitung’ lim leh meel in a mangthang ding uh hi.

Late 103:15

Mihing ahih leh ama nuntak hunin lopa tawh kibang hi; lo lai a paakte bangin amah palh hi;

Jeim 4:14

Zingciangin bang thu a piang ding na thei kei uh hi. Note’ nuntakna un bang tawh a kibang hiam? Note in tawlkhat a kilat khit ciangin a mangthang thei tuikhu na hi uh hi.

Mattiu 6:30

Upna neute aw, tuni-in om a, zing ciangin mei khukah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 40:6

Awging khat in, “Kiko in!” hong ci hi. Tua ciangin keimah in, “Bang thu kiko ding ka hi hiam?” ka ci hi. Mi khempeuh in lopa bang hi a, ama hoihnate khempeuh pen gamlak-a paak tawh kibang hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 102:11

Keima nuntakna in nitak lam-a liim om tawh kibang a, lopa bangin kei ka vulgawp hi.

Late 37:2

Bang hang hiam cih leh amaute lopa bangin vul pak ding uh a, lokung hingte bangin keutum ding uh hi.

Late 39:6

Ni liim bangin mihing pai kawikawi takpi hi. A mawkna-in amau lungkham takpi uh a, kua in ngah ding cih thei lopi-in mite in nate khol hi.

Isaiah 40:7

Topa’ hu in a mut ciangin lopa vul-in, paak pulh hi; mihingte pen lopa bang lel hi taktak hi.