Jeim 1:1 - Tedim Bible

¹ Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Tedim Bible Revision 2017

¹ Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

Jeim 1:1 Referans Kwoze

Ezekiel 12:15

Minam dangte lak leh gam dangah amaute ka thehthang ciangin Topa ka hihna thu amaute in phawk ding uh hi.

1 PETER MASA 1:1

Zeisu Khazih’ sawltak keimah Piter in thungaihna leh Zeisu Khazih’ sisan tawh thehna a ngah nading Kha Siangtho in a sian’thosak a,

Johan 7:35

Tua ahih ciangin, Judah mite in, “Ei muh zawh loh dingin amah koilam pai ding hiam? A kitheh zak a, om Grik mite lakah pai ding a, Grik mite kiangah thu a hilh ding hiam?

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.

Sawltak 26:7

Judah mipawl sawm-le-nihte in sun leh zanin hahkatin Pasian bia-in, thu kiciamna bangin ngah ding a lamen uh hi. Kumpipa aw, hih lametna hangin Judah mite in hong mawhsak uh hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

Sawltak 15:13

Amaute in a gen khit uh ciangin Jeim in a gen-inah:

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

Sawltak 21:18

A zing ciangin Paul tawh Jeim kiangah ka tumkhawm uh a, upate khempeuh a kikhawm uh hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Mattiu 19:28

Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Galati 2:12

Bang hang hiam na cih uh leh, mi kim khat in Jeim kiang pan a hong tun’ ma-in Gentailte tawh an a ne khawm hi. Ahih hangin tuate hong tun’ khit uh ciangin amah in vunatte a kihtak maninah nungkinin a tuam om hi.

Galati 1:19

Amah leh Topa’ nau Jeim longal adang sawltakte khat beek ka mu kei hi.

Sawltak 15:21

Bang hang hiam na cih uh leh, tanglai panin kikhopna innah Moses’ Thukham Lai Siangtho Nipi ni simin kisimin, khua khempeuh ah thuhilhte a om uh hi,” ci-in a gen hi.

Sawltak 1:13

A tun’ uh ciangin Piter, Johan, Jeim leh Andru, Filip leh Thomas, Bartholomai leh Mattiu, Alfe-as’ tapa Jeim, Simon Zealot leh Jeim’ tapa Judas-te a tun’na uh inndei tungah a paito uh hi.

Mattiu 13:55

Amah in khutsiampa’ tapa hilo ahi hiam? A nu min Mari hilo ahi hiam? Ama sanggamte in Jakob, Josef, Simon, Judah te hilo ahi uh hiam?

1 KUMPI MASATE 18:31

“Israel in nangma min hi ding hi,” ci-in Topa’ thu a tun’na Jakob tapa minam sawm-le-nihte tawh kizui-in Elijah in suangtum sawm-le-nih la hi;

Thu-hilhkikna 30:3

Topa na Pasian un note na ngei uh hong bangsak kikin, note tungah hehpihna hong nei ding a, Topa na Pasian un note hong thehthangna minamte’ lak panin amah in note hong kaikhawm kik ding hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

Ezra 6:17

Amaute in Pasian’ inn apna-in bawngtal zakhat, tuutal zanih, leh tuuno zali go uh a, mawhna hanga biak nadingin Israelte khempeuh adingin a minam phazah tawh kizui-in keeltal sawm-le-nih pia uh hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na om lai ding uh hi.

Paikhiatna 39:14

Israel tapate’ min tawh kituakin amaute’ min a omna suang sawmlenih om hi; tuate in min gelhnate tawh kibang a, minam sawmlenihte amau’ min ciat kigelh hi.

Paikhiatna 24:4

Moses in Topa’ thugente khempeuh gelh hi. Zingsangin amah tho baih a, mual bul-ah biakna tau khat lamin, Israel minam sawm-le-nihte tawh kituakin khuam sawm-le-nih phut hi.

Mangmuhna 7:4

Israel’ suan mipawlte khempeuh lak panin ciamtehna a ngah mi a kisim zong ka za a, sangkhat leh thenli leh tulli ahi hi. Tuate in:

Sawltak 2:5

Tua lai takin van nuai gam khempeuh panin a hong pai, Pasian a zahtak Judah mite Jerusalem khua-ah a om uh hi.

Luka 22:30

note zong keima Gam sungah ka sabuai ah an ne-in tui na dawn theih nadingun note thu kong pia ding hi. Note in thukhen tokhom tungah tu-in, Israel mipawl sawm leh nihte tungah thu na khen ding uh hi,” a ci hi.

Mattiu 10:3

Filip leh Bartholomai, Thomas leh siahdong Mattiu, Alfe-as’ tapa Jakob leh Thaddeas,

Esther 3:8

Tua ciangin Haman in Kumpipa Ahasu-eras’ kiangah, “Na ukna gam tuamtuam sunga mite lakah a om kawikawi, amau a tuam om mi pawl khat om hi. Amau’ ngeinate pen midangte’ aa tawh kibang lo hi; amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

Paikhiatna 28:21

Israel tapate’ min tawh kituakin amaute’ min a omna suang sawm-le-nih om ding hi; tuate in minam sawm-le-nihte’ adingin amau’ min ciat kigelhin, min gelhna tawh kibang ding hi.

2 TIMOTI NIHNA 4:21

Phalbi ma-in hong pai dingin na hahkat in. Eubulus, Pudens, Linas leh Klandia akipan ute naute khempeuh in nang hong hopih uh hi.

Sawltak 23:26

“Klaudis Lisias in Mangpipa Feliks kiangah lungdamna lai kong khak hi.

Luka 6:15

Mattiu leh Thomas, Alefas’ tapa Jakob leh Zealot kici Simon,

Marka 3:18

Andru, Filip, Bartholomai, Mattiu, Thomas, Alefas’ tapa Jakob, Thaddeas,

Thu-hilhkikna 32:26

Keimah in, “Amaute gamlapi ah ka thehthang ding a, mite lakah amaute a kiphawkna ka beisak ding hi,” ka ci thei ding hi,