Isaiah 9:9 - Tedim Bible

^9-10 “Leisekte kicim khin hi; ahih hangin suangseek tawh i lam ding hi; theithek singte kisia khin hi, ahih hangin taamtaak sing tawh i khek ding hi,” ci-a kiphasakin lungsim kihisak Efraim mite leh Samaria gam sunga teeng, mi khempeuh in thei ding uh hi.

Tedim Bible Revision 2017

^9-10 “Leiseekte kicim khin hi; ahih hangin suangseek tawh i lam ding hi. Theithek singte kisia khin hi; ahih hangin taamtak sing tawh i khek ding hi,” ci-a kiphasakin lungsim kihisak Efraim mite le Samaria gam sunga teeng mi khempeuh in thei ding uh hi.

Isaiah 9:9 Referans Kwoze

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Malakhi 3:13

Topa in hih bangin ci hi: “Kei tawh kisai-in na kam paunate uh khauh mahmah hi. Note in, ‘Bang kam pau ka hi uh hiam?’ na ci uh hi.

Ezekiel 33:33

Ahi zongin a tung takpi ding ahih mah bangin, na thugente a tun’ ciangin amaute lakah kamsang khat a om ngei ahih lam thei ding uh hi,” hong ci hi.

Ezekiel 30:19

Hih bangin Izipt, daan ka piak ciangin, Topa ka hihna thu amaute in hong thei ding uh hi,” hong ci hi.

Ezekiel 7:27

Kumpipa dahin thuum ding a, ulian penpa a cih nading thei loin om cipin, mi khempeuh lau-in liing ding uh hi. Na gamtatna uh tawh kizui-in daan kong pia ding a, midangte tungah thu na khen bangun note tungah thu kong khen ding hi. Hih bangin kong hih ciangin Topa ka hih lamtak na thei ding uh hi,” a ci hi.

Ezekiel 7:9

Note kong zah kei ding a, zong kong khasiat kei ding hi. A muhdahhuai na gamtatnasate uh hangin daan a hong pia ding ka hi hi. Tua ciangin Topa ka hihna leh note a hong daantatpa ka hihna na thei ding uh hi.

Jeremiah 32:24

En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Isaiah 48:4

Note pen paupeng-in, na ngawng uh sik thagui bang hi-in, na taltang uh sumngo banga sak a hihna thei ka hih manin,

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

1 KUMPI MASATE 22:25

Tua ciangin Mikaiah in, “En in, nangmah a bu dingin inndei sungnung ah na pai ni ciangin na mu ding hi,” a ci hi.

Isaiah 7:2

“Siriate pen Efraim mite tawh kikop,” ci-a David’ innkuante’ tungah a kigen ciangin, huih in gamlak-a singte a mut bangin amah leh a mihingte’ lungsim kiliing hi.

Isaiah 9:8

Topa in Jakob tungah thu khat khah a, Israel tungah hong tung ding hi;

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Isaiah 28:3

Efraim zukhamte’ kisaktheihpih ahi tua kumpi lukhu kituancil ding hi. Leihoih zangkuam’ lutung a, a kisuang a vulgawp paak ahi a vanglian ama hoihna in anlak hun ma-a a min theithekgah tawh kibangin, mi khatpeuh in a muhphetin lo in, a khut sungah tawi-in, a valh bangin maimang ding hi.

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Malakhi 1:4

Esau’ suan-le-khak Edom mite in, “I khuapite a kisiat khit hangin i lamkik ding hi,” ci le uh, Topa in, “A ut uh leh lam uh hen, ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in dawng ding hi.