Isaiah 9:7 - Tedim Bible

⁷ Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Tedim Bible Revision 2017

⁷ Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Isaiah 9:7 Referans Kwoze

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

2 SAMUEL NIHNA 7:16

Na inn leh na kumpigam keima mai-ah a kip tawntungin kibawl ding hi; na kumpi tokhom kip tawntung ding hi,’ ci hi,” a ci hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Daniel 2:35

Thakhatin sik, tungman, sumngo, ngun leh khamte kitam nen gawp a, khualkhal hun-a ansi zap bangin a lengmang hi. Huih in leen’ mangkhin ahih manin them kha beek a kimu nawn kei hi. Ahih hangin tua suangtum hong khangkhanga mual cia hong phain leitung khempeuh a dim hi.

Hebru 1:8

A Tapa thu ahih leh: “Pasian aw, na tokhom in A om tawntung tokhom ahi hi, Dikna ahi ukna Ciang in Na gam ukna ciang ahi hi.

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Isaiah 37:32

bang hang hiam cih leh a om laite Jerusalem pan ahi zongin, a suakta teng Zion Mual panin ahi zongin paikhia ding uh hi. Vanglianpen Topa’ deihluatna in hih thu hong tungsak ding hi.

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Late 2:8

Keima tungah hong ngen in; nangma luah dingin minamte ka bawl ding a, leimong dongin nangma neihsa ka hisak ding hi.

2 KUMPI NIHNATE 19:31

bang hang hiam cih leh Jerusalem panin a om laite hong paikhia ding a, Zion Mual panin a suakta honkhat hong paikhia ding hi. Topa’ deihluatna in hih thu hong tungsak ding hi.

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Johan 12:34

Tua hi a, mihonpite in, “Khazih a om tawntung ding hi,’ ci-in Thukhamna sungah ka za zo uh hi. Tua bang ahih leh, ‘Mihing Tapa in kikhaina a thuak ding hi,’ bang hangin ci na hi hiam? Hih Mihing Tapa kua mi ahi hiam?” ci-in a dong uh hi.

Hebru 7:24

Zeisu ahih leh, a tawntung kip ahih ciangin a kikheel ngei lo siampi-za a ngah hi.

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Isaiah 40:10

En un, Topa Pasian hong pai a, vangliatna tawh hong pai a, a banin ama adingin uk ding hi. En un, ama sep thamante hong pua a, a gualzawhna thamante hong masuan hi.

Isaiah 42:13

Mi thahatpa bangin Topa kuankhia a, gal a do mipa bangin ama hanciamna so sak hi; amah kiko-in nakpi takin awng khia a, ama hatna a galte tungah a lak hi.

Haggai 2:9

Biakinn thak in a lui sangin hoih zawin thupizaw ding hi. Hih biakinn-ah cihtheihna leh nopsakna kong pia ding hi,” ci sak hi.