Isaiah 9:3 - Tedim Bible

³ Nangmah in amaute na pung sak a, a lungdamna uh na khang sak hi; anlak hun ciang-a lungdamna leh mite in vankisutte a hawm ciangun a lungdam bangun, nangma mai-ah amaute lungdam uh hi.

Tedim Bible Revision 2017

³ Nangmah in amaute na pungsak a, a lungdamna uh na khangsak hi. Anlak hun ciangin lungdamna le mite in vankisutte a hawm ciangun a lungdam bangun nangma mai ah amaute lungdam uh hi.

Isaiah 9:3 Referans Kwoze

Late 119:162

Van-kinusia tampi a ngahpa bangin, na thuciamna-ah ka lung a dam hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

Isaiah 26:15

Ahih hangin nangmah in ko minam nong khangsak hi, Topa aw, nangmah in minam na khangsak a, gamgi khempeuh na keeksak khin hi. Hih thu hangin nangma min a thang hi.

Isaiah 66:10

Naungeek in a nu’ nawi teepin nuam a sak mah bangin, Jerusalem in nuam a sakna ah nuam na sak khawm theih nadingun, amah a it khempeuhte aw, Jerusalem tawh lungdam un la, ama hangin kipak un; ama hangin kapin a thuum khempeuhte aw, ama lungdamna ah amah tawh lungdam khawm un, ci hi.

Isaiah 65:18

Keima pian’saksa sungah lungdamin kipakin om tawntung un; bang hang hiam cih leh en un, Jerusalem khua lungdamna-in bawlin, a mite lung nuamin ka bawl hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

1 SAMUEL MASA 30:16

Tua ciangin amah in a paipih suk ciangin, en in, Filistiate gam leh Judah gam panin a lak uh na tampite hangin amaute gam sung khempeuh ah kithehthangin an ne, tui dawn, laamin om uh hi.

Luka 11:22

Ahih hangin amah sangin a hatzaw mi hong pai a, a zawh khit ciangin, amah in a muan a hiamte sut a, a sumte la-in a hawm ding hi.

Late 4:7

Amaute in an leh leenggahtui a hauh cianga a nuam uh sangin nuamna lianzaw ka lung sungah nong guan hi.

Filippi 4:4

Topa sungah lungdam tawntungin om un. Khatvei ka hong genkik-in ah lungdam un!

Zekhariah 10:8

Amaute samin, ka kaikhawm ding a, amaute honkhia-in, ni danga zahin mi tampi ka phasak ding hi.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Hosea 4:7

Siampi tam semsem leh kei tungah a khialhna uh tam semsem hi. Amau’ minthan’na mindaina ka suaksak ding hi.

Jeremiah 31:7

Bang hang hiam cih leh Topa in kong cih-inah, “Jakob adingin lungdamna tawh ngaih takin la sa un la, gam khempeuh lak a, gam lianpen adingin awng un. ‘Topa in Israel mi a om laite, ama’ mite hong honkhia khin zo hi,’ ci-in tangko un la, phat un.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 61:7

Note’ maizumna tangin nopna a zah nih na ngah ding uh a, note’ mindaina tangin nomau’ ngahna sungah na lungdam ding uh hi; tua ahih ciangin na gam sung uhah a zah nih na luah ding uh hi; note’ aa pen tawntung lungdamna hi ding hi,

Isaiah 55:12

“Bang hang hiam cih leh lungdamna tawh Babilon panin na paikhia ding uh a, nopsakna tawh hong kipaikhiatpih ding hi; note mai-a mual liante leh mual neute in lasa-in awng ding uh a, gamsunga sing khempeuh in a khut uh beeng ding uh hi.

Isaiah 54:1

Ta a suak lo a ciing numei aw, lasa in; nausuak natna a thuak ngei lo mi aw, lasa khia in la, lungdamna tawh kiko in! Bang hang hiam cih leh a kinusia nu’ tate pen a kiten’pih nu’ tate sangin tamzaw ding hi, Topa in ci hi.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Late 107:38

Ama thupha tawh ante nakpi takin pung hi; amah in, amau bawngte zong kiam sak lo hi.

Nehemiah 9:23

Nangmah in amau’ suan leh khakte van-a aksi zahin sim zawh lohin na tamsak a, a pu a pate un a luah dingin piak dingin na ciamsa gamah amaute na paipih hi.

Thukhente 5:3

”Ngai un, Kumpite aw; na bil uh ngat un, Uliante aw; Topa tungah ka sa ding hi, Israelte Pasian, Topa tungah la ngaih ka sa ding hi.

Sawltak 8:8

Tua khua sungah lungdamna tampi a piang hi.

JOB (Job) 12:23

Amah in minamte thahatsakin liansak a, ahi zongin amah in tuate zo gawpin susia hi.

Isaiah 65:14

en un, ka nasemte in lungdamin lasa ding uh a, note in lungsim na-sa-in kiko-in, lungsim gimna hangin na thuum ding uh hi.

Siampi Laibu 26:13

Note in amau sila na hih loh nadingun Izipt gam panin note a hong paikhiatpih Topa na Pasian uh ka hi hi; keimah in note’ hakkolte kuaitanin note a dingtangin kong pai sak hi.

Thukhente 7:22

Amaute in peengkul zathumte a tum uh ciangin, Topa in giahphuala om mi khempeuh a namsau uh tawh amau leh amau kisat gawpsak hi; tua ciangin galkapte Zererah lam Bethshittah ciang, Tabbath kiang Abelmeholah gamgi dong tai uh hi.

Thukhente 8:12

Tua ciangin Zebah leh Zalmunna tai uh hi; amah in amaute delhin Midian kumpi nihte Zebah leh Zalmunna manin galkapte khempeuh kitheh thangsak hi.

Isaiah 10:26

Vanglianpen Topa in Oreb suangpi-ah Midian mite a sukgawp bangin, amah in amaute khau tawh sat ding a, Izipt ah a hih bangin amah in a ciangkhut tuite tungah vaan ding hi.

Isaiah 14:5

Tawlnga loin mihingte satna a, a kizang, hehna tawh minamte ukin nakpi takin a bawlsia, migilote’ ciangkhut leh gam-ukte’ kumpi ciangkhut pen Topa in kuaitan khin hi.