Isaiah 9:15 - Tedim Bible

¹⁵ Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

Tedim Bible Revision 2017

¹⁵ Upa pa le a zahtakhuai mipa pen a lutang hi a, zuau thu a hilh kamsang pa pen a mei ahi hi.

Isaiah 9:15 Referans Kwoze

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

Ezekiel 13:19

Mangbuhham khut khat dim leh anlum them tawm khat na ngah theih nadingun ka mite mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in note’ thugen hong um uh hi.

1 SAMUEL MASA 9:6

Ahih hangin amah in ama kiangah, “En in, hih khuapi sungah Pasian’ mi khat om a, amah in a kizahtak mi khat ahi hi; ama gen khempeuh a manin tangtung hi. Tua lai-ah pai ni; eite’ khualzin khiatna thu amah in hong gen thei kha ding hi,” a ci hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah bangun, kei zong, mi khempeuh mai-ah simmawhna leh niamkhiatna kong ngahsak hi,” a ci hi.

Hosea 9:8

Ama mi Israelte a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasian’ gam sung teekteek mahmah ah mite pen kamsangpa’ gal suak mawk hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Jeremiah 23:9

Kamsangte tawh kisai-in: Topa’ hang leh ama’ thu gen kammal siangthote’ hangin ka sungah ka lungsim kitam kham a, ka guh ka tang a liing hi. Zu tam ne lua-a a kham mipa tawh ka kibang hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

Isaiah 5:13

Tua ahih ciangin thu theihlohna hangin ka mite sal suak uh hi; amau’ mi liante gilkialin si dek uh a, a mihonte uh dangtakin keu uh hi.

Isaiah 3:5

Mite khat leh khat, mi khempeuh in a lawmte ciat, mi khempeuh in a veengte ciat, kinencip gawp ding uh hi; khangnote pen uhamte tungah, migina lote pen miliante tungah kiphasak ding uh hi.

1 KUMPI MASATE 13:18

Tua ciangin amah in ama kiangah, “Kei zong nangmah bangin kamsang khat ka hi a, Topa’ thu tawh vantungmi khat in kei tungah thu hong gen a, ‘Amah in an leh tui ne-in a dawn theih nadingin na innah amah paipih kik in,’ hong ci hi,” a ci hi. Ahih hangin amah in ama tungah zuau genin a phuahtawn ahi hi.

JOB (Job) 22:8

Na vangliatna leh na za liatna zangin, gam khempeuh na la khin hi.

Isaiah 19:15

A hau a zawng, alian aneu, mi khat beek in Izipt’ adingin a hih sak theih ding bangmah om lo ding hi.

Isaiah 23:9

Topa’ vaihawm ahi hi. Mi liante’ kiphasaknate a beisak nading, leh a kipahtawi uliante a niamkhiat nadingin a bawl ahi hi.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Isaiah 43:27

Na pu na pa masate khial a, na makaite uh zong kei tungah hong khial hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Jeremiah 23:32

En un, Topa in kong gen-inah, ka sawl lohpi zuau mang manin tua thu hilh a, a zuauthu uh leh a kiphatsakna uh tawh ka mite a makaih khialhpih mite’ lang khatah kei ka pang hi. Ka mite adingin, amaute a kiman’na uh themkha beek om lo hi, Topa in kong ci hi.

Amos 2:4

Topa in hih bangin ci hi: Judah mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Isaiah 3:12

Keima mite ahih leh—khangnote in bawlsia uh a, numeite in zong uk uh hi. Ka mite aw, na makaite un note lam hong lak khial a, note’ lampi zuih pen hong siasak hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.