Isaiah 9:14 - Tedim Bible

¹⁴ Tua ahih ciangin Topa in Israel sung panin a makaite leh a mihonte, a lu panin a mei dongin, nisuh hiang leh pumpengte anihin ni khat thu-in vat mai hi.

Tedim Bible Revision 2017

¹⁴ Tua ahih ciangin Topa in Israel sung panin a makaite le a mihonte, a lu panin a mei dongin ni khat thu-in a vatmai hi.

Isaiah 9:14 Referans Kwoze

Mangmuhna 18:8

Tua ahih ciangin ama gimna ahi sihna, kahna, kikona, kialpite in ni khat sungin a tung ding uh hi. Amah zong mei in a kang tum khin ding hi. Bang hang hiam i cih leh, ama tungah thu a khen Topa Pasian in a vanglian ahi hi.

Isaiah 19:15

A hau a zawng, alian aneu, mi khat beek in Izipt’ adingin a hih sak theih ding bangmah om lo ding hi.

Mangmuhna 18:17

Nai khat sung bekinah tua zaha nopsaknate a beisak ta hi,” ci-in kapin a kiko ding uh hi.” “Teembaw ukte khempeuh-a kipan tembaw tawh sum lei sum zuakte leh tembaw nasemte leh tuipi-ah nuntakna a zong mite in gamlapi pan ding-in,

Mangmuhna 18:10

tua khua in a thuak gimna kihta-in gamlapi pan ding-in ‘Babilon khuapi, a to khuapi in gimna a thuak zo hi! Gimna a thuak zo hi! Nai khat sung bekinah thutanna na thuak ta hi,’ ci-in amah hangin kapin kiko-in a gen ding uh hi.”

Amos 7:17

Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Amos 6:11

Topa in thu a piak ciangin, inn liante kisatzanin, inn neute kisatnen ding hi.

Amos 3:12

Topa in hih bangin ci hi: Tuucingpa in humpinelkai’ nek baang tuu khebom nih ahi a, a bil them khat beek ahi zongin a ngah teei mah bangin, tutphah nip kiu khat leh lupna them khat tawh a kibang, Samaria sunga om Israel mi tawmno khat suakta tei ding hi.

Hosea 13:3

Tua ahih ciangin amaute pen zingsanga kai meiilum, a maimang pak daitui, ancilna panin huih in a let khiat ansi, meikhu suahna-a a pai meikhu bangin maimang ding uh hi.

Hosea 10:15

Israel mite aw, note’ gamtat hoih lohna hangin tu-a bang teekin note tungah thu hong piang ding hi. Gal do a kipat phetin Israel kumpipa si pah ding hi.

Hosea 8:8

Israel khempeuh kinawmvalh-in kisusia ding a, tu nangawnin mi namdangte in bangmahin ngaihsun nawn lo uh hi.

Hosea 4:5

Na nasepnate uh a sun a zan cih om loin, a kiman’na mel om lo hi; kamsangte zong note bangmah hi lel hi. Na nu uh Israel ka susia ding hi.

Hosea 1:9

Tua ciangin Topa in, “Na tapa’ min dingin ka mi hi lo, a cih nopna Loammi phuak in; bang hang hiam cih leh no Israel mite, ka mi na hi kei uh a, keimah in note’ Pasian ka hi kei hi,” a ci hi.

Hosea 1:6

Tua ciangin Gomer gai kikin tanu khat nei hi. Topa in zong Hosea kiangah, “Na tanu’ min dingin hehpih loh, a cih nopna Lo-ruhamah phuak in; bang hang hiam cih leh Israel mite ka hehpih nawn kei ding a, a mawhna uh ka maisak kei ding hi.

Hosea 1:4

Tua ciangin Topa in Hosea kiangah, “Na tapa’ min dingin Jezre-el phuak in: bang hang hiam cih leh ama pute Jehu in Jezre-el khua-ah a mi thahna hangin, Israel kumpipa tungah daan ka pia baih ding a, Israel mite tungah Jehu’ suan-le-khakte’ ukna ka beisak ding hi.

Isaiah 30:13

hih mawhna pen note’ adingin kulh sangpi khat khangkham-a lawtkhia-in a cim dektak, theih kholh lohin thakhat a, a cim vat tawh kibang ding hi;

Isaiah 10:17

Israel’ khuavak pen mei suakin, ama Siangtho Pa pen meikuang suak ding hi; ni khat sungin ama lingkungte leh lingte kang-in beitum ding hi.

Jeremiah 6:21

Tua ahih manin Topa in kong cih-inah, En un, hih mite puk nadingin a mai uhah suangtum ka koih ding-a, pate leh tate, inn vengte leh lawmte pukin a si ding uh hi,” a ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Kah la 4:16

Topa in amaute a zat nopna om nawn lo ahih manin a thehthang hi. Amah in i makaite leh i siampite a awlmawh nawn kei hi.