Isaiah 8:9 - Tedim Bible

⁹ No minam dangte aw, galsim dingin awng un, thei un la, kitamzan un; gamlapi-a om gamte khempeuh aw, ngai un; kigalging un, ahih hangin lungkiatna na thuak veve ding uh hi; kigalging un, ahih hangin lungkiatna na thuak veve ding uh hi.

Tedim Bible Revision 2017

⁹ No minam dangte aw, thei unla, lungkham un. Gamlapi ah a om gamte khempeuh aw, ngai un. Kigalging un; ahih hangin lungkiatna na thuak veve ding uh hi.

Isaiah 8:9 Referans Kwoze

Paunak 11:21

Migilote in daan a thuak hamtang nading, midikte daan tawh a kipelh nading thei in.

1 KUMPI MASATE 20:11

Tua ciangin Israel kumpipa in dawngin, “Ama kiangah gen un, ‘Galhiam a suahkhiapa bangin galhiam a kuahpa kiphasak kei hen; ci un,” a ci hi.

Isaiah 54:15

Mi khatpeuh in kidona a pian’sak leh, tua pen keima kiang pan hilo hi; note tawh kidona a piangsak peuhmah note’ hangin puk ding hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Isaiah 28:13

Tua ahih ciangin Topa in note tungah, malkhat khit malkhat, gualkhat khit gualkhat, thukhat khit thukhat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thang-ah awk-in, sal-in hong kipaipih ding hi.

Jeremiah 42:11

Na kihtak uh Babilon kumpipa kihta nawn kei un. Topa in kong cih-inah, lau nawn kei un. Bang hang hiam cih leh amah’ khut sung pana hong honkhia ding leh hong lakhia dingin keimah in kong ompih hi.

Jeremiah 51:20

“Babilon aw, nangmah in ka sekpi leh ka galhiam na hi a, nang hong zangin gamdangte ka satnen a, kumpi gamte ka susia hi.

Ezekiel 38:7

Tua ahih manin tu-in nang leh na pawlte khempeuh a kigalging sa-in om un la, na thupiakna bangin gamtang pah lian dingin na galkapte khempeuh om sak in.

Joshua 11:5

Hih kumpite khempeuh in amau galkapte gawmin Israel mite tawh a kido dingin hong pai-in Merom tuite-ah giahphual sat khawm uh hi.

Jeremiah 46:3

“Na lumte uh la un la, galsim dingin kuankhia un!

Jeremiah 46:4

Sakol vante vawh un la, tuang ta un, sakol galkapte aw. Na sik lukhute uh khu un la, na teipite uh tat hiam-in, na sik puante uh silh un.

Ezekiel 38:8

Minam tuamtuamte lak panin kikaikhawm kikin a gam uh a kitut kik zawh gal launa nei loin a om Israel mite’ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.