Isaiah 8:8 - Tedim Bible

⁸ Judah gam dong hong nawtsuk ding a, dimlet-in pai suaksuak-in, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Tedim Bible Revision 2017

⁸ Judah gam dong hong nawt suk dinga, dimletin paisuakin, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Isaiah 8:8 Referans Kwoze

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Isaiah 30:28

Ama husan in, ngawng dong a banto, a taii tuikhang bang ahi hi. Amah in minamte’ thuak siatnate haihna sungah a haih hi; amah in lamkhialsak kamkaihna pen mite’ khaguh ah a thuah hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtaak kung khat a dawn va kuaitan a,

Isaiah 7:17

Efraim mite pen Judah mite kiang pan a, a paikhiat-a kipan nidanga piang ngei lo thu ahi, Assiria kumpipa nang leh na mite leh na pate’ innah Topa in hong tungsak ding hi,” ci hi.

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Jeremiah 47:2

Topa in a cih-inah: “En un, leilu gam panin tui hong khang a, a let khia-in hong luang ding hi. Gamsung leh gam sunga om khempeuh hong tum ding a, khuapi leh khuapi sunga teeng khempeuh hong tum ding hi. Mite kiko-in, gam sunga om mite khempeuh a kap ding uh hi.

Jeremiah 48:40

“Topa in kong cih-inah: En in, muvanlai leeng bangin manlang takin gam khat hong leeng ding a, Moab gam sim dingin a kha hong zal ding hi.

Jeremiah 51:42

Babilon gamah tuipi hong kahto a, tuihual lauhuaite in tuam ta hi.

Ezekiel 26:19

“Bang hang hiam cih leh Topa Pasian ahi keimah in hih bangin ka ci hi: Kuamah a ten’ lohna a kisia khuapi bangin a gamkhing khuapi-in nang kong bawl ding hi. Tuipi tuite kong tumsak ding hi.

Daniel 11:10

“Siria kumpipa’ tate in galdo dingin kithawi-in galkap ding mi tampi a kaikhawm ding uh hi. Tua galkap mangte khat thahat diakin tuikhang bang dinga galte’ kulhpi a luh zo ding hi.

Micah 1:9

Bang hang hiam cih leh Samaria’ meima kidamsak thei lo a, Judah in zong tua bangmah a thuak ding ahi ta hi. Ka mite’ teen’na Jerusalem khua kongpi mahmah, tua siatna in hong ban ta hi.

Micah 5:5

Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

2 KUMPI NIHNATE 17:3

Assiria kumpipa Shamaneser amah doin kuanto hi; tua ciangin Hoshea in ama khutnuai mi suak a, ama tungah siah puak hi.

2 KHANG TANGTHU NIHNATE 12:4

Amah in kulhnei khuapite la-in Jerusalem ciang dong hong tung hi.