Isaiah 8:7 - Tedim Bible

⁷ en in, Topa in Assiria kumpipa leh ama minthan’na khempeuh ahi, hat a, a tam mahmah Gun tuite, amaute’ lang khatah piangsak ding hi; tui in a batna ngei teng tum-in, a piau khempeuh dimlet hi;

Tedim Bible Revision 2017

⁷ Tua ahih ciangin Topa in Assiria kumpipa le ama galkap honpite, a tam mahmah a piau dimletin a khang Gunpi tui bangin amaute a sim dingin hong luangsak ding hi.

Isaiah 8:7 Referans Kwoze

Amos 9:5

Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.

Amos 8:8

Tua ahih manin ziin hong liing ding a, leitunga om mi khempeuh kap ding uh hi. Nail Gunpi bangin leitung khempeuh khang toin kiamsuk ding hi.

Isaiah 7:20

Tua ni ciangin Topa in Gun gal khat pan a, a kikawm temta ahi Assiria kumpipa zangin a sam leh a khemul mettol ding a, a khamul zong metkhia ding hi.

Isaiah 7:17

Efraim mite pen Judah mite kiang pan a, a paikhiat-a kipan nidanga piang ngei lo thu ahi, Assiria kumpipa nang leh na mite leh na pate’ innah Topa in hong tungsak ding hi,” ci hi.

Piancilna 6:17

Bang hang hiam cih leh, en in, vantung nuai-a om nuntak husan’na a nei khempeuh susia dingin leitungah tuiciin ka tungsak ding hi; leitunga om khempeuh si ding hi.

Mangmuhna 17:15

Khat vei amah in, “Numei gilo tutna-a na muh tuite in mipawl, mihon, gam, kamte ahi uh hi.

Nahum 1:8

Tuikhang in a suksiat bangin a langte susiagawp a, a galte, khuamial sungah nawhkhia hi.

Daniel 11:22

Ama mai-ah galkap honpite kisiak khia ding a, thuciamna tawh kipawl kumpipa zong a kisia mang ding hi.

Daniel 11:10

“Siria kumpipa’ tate in galdo dingin kithawi-in galkap ding mi tampi a kaikhawm ding uh hi. Tua galkap mangte khat thahat diakin tuikhang bang dinga galte’ kulhpi a luh zo ding hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

Late 72:8

Ama ukna in tuipi khat pan tuipi khat, Gunpi panin leimong dongin om ta hen!

Luka 6:48

Amah in inn a lam ciangin, thukpi-in to a, suang tungah khuam a phut mi tawh kibang hi. Tui a khan’ ciangin hawktui in tua inn a nawt hangin, pha takin kilam ahih ciangin a liingsak zo kei hi.

Ezra 4:10

leh a lian a minthang Ashurbanipal in hong puakkhia-in Samaria khuapi ah hong ten’sak mite leh Eufrates gun lang khat a kizawhna gam sunga om mite tung panin lai puak, ci uh hi.

2 KUMPI NIHNATE 19:32

“Tua ahih ciangin Topa in Assiria kumpipa tawh kisai-in hih bangin gen hi: Hih khuapi sungah amah hong pai lo ding a, thaltang khat zong lawn lo ding a, khuapi mai-ah lum khat tawh hong pai loin, khuapi dona-in phung zong ciang lo ding hi.

Isaiah 10:5

Assiria-te in gimna ngah hen, keima hehna molhtum leh ka lungdamna ciangkhut ahi uh hi.

Isaiah 10:16

Tua ahih ciangin Topa, Vanglianpen Topa in ama mi thahat galkapte lakah natna lianpi tungsak ding a, tua natna in amaute sungah meikuang bangin kuang niloh ding hi.

Isaiah 11:15

Topa in ama huihsa nungsakin Nail gunpi leh Eufrates gunpi tuite tungah a khut zanin kangsak ding a, mi khempeuh in nuam takin khedap tawh a kantan zawh ding luineu sagih bek siit lai ding hi.

Isaiah 28:2

En un, Topa in vanglian-in a hat mahmah mi khat nei hi; a susia huihpi gialpi, tuikhanglet leh a thahat huihpi bangin amah in leilak den’ gawp nading hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Jeremiah 47:2

Topa in a cih-inah: “En un, leilu gam panin tui hong khang a, a let khia-in hong luang ding hi. Gamsung leh gam sunga om khempeuh hong tum ding a, khuapi leh khuapi sunga teeng khempeuh hong tum ding hi. Mite kiko-in, gam sunga om mite khempeuh a kap ding uh hi.

Jeremiah 51:42

Babilon gamah tuipi hong kahto a, tuihual lauhuaite in tuam ta hi.

Ezekiel 26:19

“Bang hang hiam cih leh Topa Pasian ahi keimah in hih bangin ka ci hi: Kuamah a ten’ lohna a kisia khuapi bangin a gamkhing khuapi-in nang kong bawl ding hi. Tuipi tuite kong tumsak ding hi.

Micah 1:9

Bang hang hiam cih leh Samaria’ meima kidamsak thei lo a, Judah in zong tua bangmah a thuak ding ahi ta hi. Ka mite’ teen’na Jerusalem khua kongpi mahmah, tua siatna in hong ban ta hi.

Micah 5:5

Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

Late 46:4

Sang Penpa’ ten’na khua siangtho ahi, Pasian’ khuapi, a lungdamsak gun khat a om hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.