Isaiah 8:4 - Tedim Bible

⁴ bang hang hiam cih leh naungek in, Nu aw, pa aw, a cih a theih ma-in Damaskas khua’ hauhna leh Samaria khua sunga a kisut vante, Assiria kumpipa in la-in masuan ding hi,” hong ci hi.

Tedim Bible Revision 2017

⁴ Bang hang hiam cih leh naungek in, ‘Nu aw, pa aw,’ a cih theih ma-in Damaskas khuaʼ hauhna le Samaria khua sunga a om a kisut vante, Assiria kumpipa in la-in masuan ding hi,” hong ci hi.

Isaiah 8:4 Referans Kwoze

ROM (Romans) 9:11

Pasian teelkhiatna tawh kipawl hanciamna in gamtatna hang hi lo, a hong sampa’ deihna hangin a kip theih nading ta a suah ma-in amaute in gamtat hoih, gamtat hoih lo a neih ma-un

Jonah 4:11

Tua ahih leh keimah in ganhing tampi thamlo, a taklam khut leh a veilam khut nangawn a khen thei nai lo naupang tulza leh tulsawmnih sanga tam zawte’ teen’na, a lian mahmah Nineveh khuapi pammaih sa lo ding ka hi hiam?” ci-in a dawng kik hi.

2 KUMPI NIHNATE 17:3

Assiria kumpipa Shamaneser amah doin kuanto hi; tua ciangin Hoshea in ama khutnuai mi suak a, ama tungah siah puak hi.

2 KUMPI NIHNATE 16:9

Tua ciangin Assiria kumpipa in ama thu ngai hi; Assiria kumpipa Damaskas a do-in hong kuan to-in tua khua la a, a mite galmatin Kir-ah pua a, amah in Rezin that hi.

2 KUMPI NIHNATE 15:29

Israel kumpipa Pekah’ hun lai takin Assiria kumpipa Tiglath-pileser hong pai-in Ijon, Abelbethma-akah, Janoah, Kedesh, Hazor, Gilead, leh Galili, Naftali gam khempeuh la hi; amah in galmatin mite Assiria ah ciahpih hi.

Thu-hilhkikna 1:39

Tua tham loin galte’ mimat suak ding hi na cih uh na taneute uh leh, tu hun lai taka asia leh apha a khen thei nai lo na tate uh, tua gamah pai ding a, amaute tungah tua gam ka pia ding a, amaute in tua gam luah ding uh hi.

Isaiah 17:3

Efraim gam panin kulhpi bei-in, Damaskas khua panin kumpi gam mangthang ding hi; Siria mi a suakta laite pen Israel mite vangliatna mah bang ding uh hi, Vanglianpen Topa in ci hi.

Isaiah 8:5

Topa in kei tungah thu hong genkik a,

Isaiah 17:1

Damaskas tawh kisai thu:— En in, Damaskas in khuapi hi nawn loin, ninbulomtang suak ding hi.

Amos 1:3

Topa in hih bangin ci hi: Damaskas khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, angawina suang tawh gawizan bangin, Gilead gam mite gawi gawp uh hi.

Amos 1:5

Damaskas khua kulhkongpi zawlte ka sutan ding a, Aven Kuam-a teeng mite khempeuh leh Beth-eden Kuam sunga om gam ukte, Keimah in ka susia ding a, Siria mite ahih leh Kir gamah salin kipaipih ding hi.