Isaiah 8:22 - Tedim Bible

²² amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.

Tedim Bible Revision 2017

²² Amaute in leilak a et suk hangun, lungkhamna le khua mialna, lungzing a gimna bek om hi. Khuamial ngeungau sungah amaute kihawl khia ding hi.

Isaiah 8:22 Referans Kwoze

Isaiah 5:30

Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.

Mattiu 22:13

Tua laitakin kumpipa in, ‘Tua pa a khut leh a khe hen un la, pua lam khuamialna sungah na paaikhia un,’ ci-in a nasemte a sawl hi. Kahna leh hagawina a om ding hi.

Mattiu 8:12

Gamsung mite ahih uh leh, pualam khuamial lakah a hawlkhia ding hi. Kahna leh ha gawina a om ding hi,” ci-in a nungzuite kiangah a gen hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.

Paunak 14:32

Migilopa, ama tatsiatna in puksak a, mihoihpa, ama hoihtatna in hu hi.

JOB (Job) 18:18

A nungtate’ gam panin amah kihawl khia ding a, khuavakna mun panin khuamialna-ah kihawl khia ding hi.

Mattiu 24:29

“Tua gimna ni khit ciangin thakhatin ni hong mial ding a; kha a hong taang nawn kei ding hi; aksite hong kia ding uh a, vanah a om vangliatnate a kiliing ding uh hi.

Jeremiah 23:12

Tua ahih manin amaute’ lampi in, khuamial lak lam nal-a pai tawh a kibang ding a, amaute kinawhkhia gawpin a tuk ding uh hi. Bang hang hiam cih leh amaute’ thuakna hun hong tun’ ciangin amaute’ tungah gimna ka tung sak ding hi, Topa in kong ci hi.

Isaiah 9:1

Zebulun minamte leh Naftali minamte’ teen’na gamte in lungkham thuak ding uh a, mai lamah pahtawina ngah kik ding uh hi. Mediterranean tuipi akipanin nisuahna lam Jordan gun gal, minam dangte’ teenna Galile gamsung pen minthang kik ding hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Mangmuhna 16:10

Ngana vantungmi in ama tawi hai sahang tokhom tungah a buak leh, sahang gam in khuamial suak a, a gamsung mite in na sa-in a leii uh a gawi uh hi.

Isaiah 9:20

Amaute in taklam-a omte ne uh a, ahih hangin gilkial lai uh hi, amaute in veilam-a omte ne uh a, ahih hangin kham nai lo uh hi; mite in amau’ vengte’ sa ne ciat uh hi,

Isaiah 30:6

Negeb gam-a ganhingte tawh kisai thu: Amaute in, humpinelkai nu leh humpinelkai pa, gul gu nei leh a leengthei gulpi a omna, lungkhamna leh gimna gam nawk-in, amau’ hauhnate la nungzang leh amau sumte kalaoh thuvum tungah suanin amaute bangmah phattuamna a pia thei lo mite tungah puak uh hi.

Isaiah 50:11

Ahih hangin mei vaksak a, meilah kuang a kiguan note khempeuh aw, tu-in na meivakna leh na meilah kuang pana khuavak sungah pai-in, kalsuan un; hih in ka khut pana na ngah ding uh ahi hi. Lungkhamin na lumsuk ding uh hi.

Isaiah 59:9

Tua ahih ciangin, thutang eite tawh kigamla-a, eite hong gimsakte kiang panin Pasian in hong hotkhiat lohna thu i thei hi. Eite in khuavak i lamen a, ahi zongin khuamial bekbek i tuak hi.

Paikhiatna 10:21

Tua ciangin Topa in Moses' kiangah, “Mite in khuamial sung a zawt nading, Izipt leitang tungah khuamial a om theih nadingin vantung lamah na khut zan in,” ci hi.

Paikhiatna 10:22

Tua ahih ciangin Moses in vantung lamah a khut zan a, Izipt leitang tung khempeuhah ni thum sung khuamial sahpi om hi;

Isaiah 50:3

Vantungte khuamial ka silhsak a, amau’ kituam nadingin puanhampi ka bawl hi,” a ci hi.

Isaiah 60:2

Khuamial in leitung tuam a, minam dangte khuamial in tuamcip ding a, ahi zongin nangma tungah Topa’ khuavak hong taang ding hi. Ama minthan’na in nang hong ompih ding hi.