Isaiah 8:21 - Tedim Bible

²¹ Mite pen gam sungah vak kawikawi-in, nakpi takin lungkhamin gilkial ding uh hi; amaute a gil uh a kial ciangin lungham gawp ding uh a, a kumpipa uh leh a Pasian uh hamsiat-in van dak ding uh hi;

Tedim Bible Revision 2017

²¹ Mite pen gam sungah vak kawikawi-in, nakpi takin lungkhamin gilkial ding uh hi. A gil uh a kial ciangin amaute lungham gawp ding uh a, a kumpipa uh le a Pasian uh hamsiatin van dak ding uh hi.

Isaiah 8:21 Referans Kwoze

Isaiah 9:20

Amaute in taklam-a omte ne uh a, ahih hangin gilkial lai uh hi, amaute in veilam-a omte ne uh a, ahih hangin kham nai lo uh hi; mite in amau’ vengte’ sa ne ciat uh hi,

Paunak 19:3

Mi pawlkhat in amau’ haitatna hangin gimna ngah hi napi-in, Topa ngawhin mawk heh uh hi.

Jeremiah 52:6

A kha lina, a ni kua ni ciangin khuapi sungah kial nasia lua ahih manin, mite in an nek ding nei nawn lo uh hi.

Jeremiah 14:18

Lo lai-ah paikhia leng, namsau-a kithat lumte bekbek ka mu a, khuapi sungah lut leng, kial-a puksite bekbek ka mu hi! Kamsangte leh siampite in koi-ah pai ding cih thei lo pi-in gam sungah an ngenin a vak kawikawi uh hi,’ ci-in va gen in.”

JOB (Job) 2:9

Tua ciangin a zi-in, “Na upna khiam tuan lo ding na hi hiam? Pasian samsia in la, si suk in,” a ci hi.

JOB (Job) 2:5

Tu-in na khut zan in la, ama sa leh a guh suksak lecin nangma maitang mahah pel loin nang hong samsia ding hi,” a ci hi.

JOB (Job) 1:11

Ahi zongin na khut zanin ama neihsa khempeuh suksak lecin na maitang mahmah-ah nang hong samsia pah ding hi,” a ci hi.

2 KUMPI NIHNATE 25:3

A kha lina a ni kua ni-in tua khuapi sungah kialpi nasia mahmah ahih manin tua gam mite’ ading an om lo hi.

Paikhiatna 22:28

“Pasian na simmawh kei ding uh a, na mite uh a ukpa zong na samsia kei ding uh hi.

2 KUMPI NIHNATE 6:33

Amaute tawh amah a kiho lai takin ama kiangah kumpipa hong paisukin, “Hih lungkhamna Topa’ kiang pan ahi hi! Bang hangin Topa ngak lai ding ka hi hiam?” a ci hi.

Siampi Laibu 24:11

Israel numei’ tapa in Min Siangtho gensia-in samsia hi. Amaute in Moses kiangah amah paipih uh hi. Ama nu’ min in Shelomith hi a, Dan minam, Dibri’ tanu ahi hi.

1 SAMUEL MASA 8:18

Tua ni ciangin note’ ading na teelsa uh na kumpipa uh hangin note na kiko ding uh hi; ahih hangin tua ni ciangin Topa in note hong dawng lo ding hi,” a ci hi.

JOB (Job) 18:12

Siatna in amah ngak a, siatna in su dingin amah ngak gige hi.

Isaiah 9:21

Manasseh in Efraim, Efraim in Manasseh ne-in tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 14:30

Mizawngte in keima gan khahna sungah an ne ding a, a cimawhte lungmuang takin lum hit-hiat ding hi; ahih hangin no Filistia mite, kialpi tawh kong that ding a, a suakta kha a omte laite keimah in ka that ding hi.

Isaiah 51:19

Nang tungah siatna leh maiman’na, kialpi leh namsau hih gentheihna thu nih hong tung zo hi—kua in nang hong dahpih ding ahi hiam? kua in nang hong hehnem ding ahi hiam?

Isaiah 59:9

Tua ahih ciangin, thutang eite tawh kigamla-a, eite hong gimsakte kiang panin Pasian in hong hotkhiat lohna thu i thei hi. Eite in khuavak i lamen a, ahi zongin khuamial bekbek i tuak hi.

Isaiah 65:13

Tua ahih ciangin Topa Pasian in hih bangin ci hi: En un, ka nasemte in ne ding a, ahih hangin note na gilkial ding uh hi; en un, ka nasemte in dawn ding uh a, ahih hangin note na dangtak ding uh hi; en un, ka nasemte lungdam ding uh a, ahih hangin note na mai uh zum ding hi;