Isaiah 8:18 - Tedim Bible

¹⁸ En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

Tedim Bible Revision 2017

¹⁸ En un, Topa in kei hong piak ka tate le keima pumpi pen Zion Mual tungah a teeng Vanglian Topa’ tung panin Israel miteʼ sungah lim le kihilna ka hi uh hi.

Isaiah 8:18 Referans Kwoze

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Late 71:7

Mi tampi’ adingin sia-hil bang ka hih hangin nangmah in a muan’huai keima belh na hi hi.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Late 22:30

Suan-le-khakte in ama na sem ding uh hi; mite in hong piang ding mihonte tungah Topa’ thu gen ding uh a,

Late 9:11

Zion-a om Topa phatna la sa un! Ama nasepnate mite lakah gen un!

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Isaiah 7:16

Bang hang hiam cih leh naupang in a hoih lote nial-in a hoihte a teel theih hun ma-in na kihtak uh kumpi nihte’ gam kinusiacip ding hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

1 KHANG TANGTHU MASATE 23:25

Bang hang hiam cih leh David in, “Israel Pasian, Topa in a mite tungah kilemna pia zo hi; tua ciangin amah in Jerusalem ah om tawntung hi.

Isaiah 7:3

Topa in Isaiah’ tungah, “Ahaz tawh kimu dingin Puansawppa’ nasepna phual zuatna-a lampi kianga a om, bual tungnung tui lakna mongah nang leh na tapa Shearjashub pai un la,

Ezekiel 14:8

Amah nialin, midangte’ etteh dingin ka bawl ding hi. Keima mite lak panin amah ka la khia ding hi. Tua ciangin Topa ka hihna thu na thei ding uh hi.

Isaiah 8:3

Tua ciangin kamsangnu tawh ka lumkhawm a, amah gai-in tapa khat hong nei hi. Tua ciangin Topa in ka tungah, “Ama min pen Mahershalalhasbaz, ci-in phuak in:

Piancilna 33:5

Esau khuadak to-in nupite leh naupangte a muh ciangin, amah in, “Nang tawh a om hihte kuate ahi hiam?” ci hi. Jakob in, “Pasian in hehpihna tawh na nasempa a piak tate ahi hi,” ci hi.

Thu-hilhkikna 28:46

Note leh na suan leh khate uh tungah a tawntungin tuate in lim leh nalamdang hi ding hi.

Isaiah 20:3

Ashdod khua a kilak khit ciangin Topa in, “Izipt leh Ethiopia’ lang khatah lim leh siahil dingin ka nasempa Isaiah tangguak leh kheguak tawh kum thum sung lam a pai mah bangin,

Jeremiah 44:29

Note’ siat nading ka gen sa thute a hong tung takpi ding ahihna thu na theih nadingun Topa in kong cih-inah, hih lim note kong pia ding a, hih munah kong thuaksak ding hi:

Ezekiel 4:3

Tua ciangin sikpeek khat la in la, nang leh tua khuapi kikal-ah kulh lim dingin koih in. Tua ciangin khuapi lam en in. Tua khuapi a kiumcih hi-in, nang pen a umcihte’ lim ding na hi hi. Hih in Israel mite’ adingin lim hi ding hi.

Ezekiel 12:6

Amaute’ muhna ah na van na liangko-ah kisuanto in la, na pai nading mun na muh theih loh nadingin mit tunsa-in khuamial lakah paikhia in. Hih banga na gamtatna pen Israel mite’ adingin hilhkholhna khat hi ding hi,” hong ci hi.

Late 9:12

Bang hang hiam cih leh mi thahna a hua-pa in amaute phawk a, a thuak mite’ aw mangngilh lo hi.

Luka 2:18

Tuucingte’ thugenna zate khempeuh in lamdang a sa uh hi.