Isaiah 8:13 - Tedim Bible

¹³ Ahih hangin Vanglianpen Topa pen a siangtho-in na ngaihsun ding uh hi; amah note’ zahtak leh note’ launa na hi sak ding uh hi.

Tedim Bible Revision 2017

¹³ Ahih hangin Vanglian Topa pen a siangtho-in na ngaihsun ding uh hi. Amah pen noteʼ zahtak pa le noteʼ kihtak pa na hisak ding uh hi.

Isaiah 8:13 Referans Kwoze

Luka 12:5

Kua mi na kihta ding ci-in kong gen ding hi; pumpi a thah khit ciangin hel khua sungah a khul zo Pa na kihta un. Ahi hi, tua pa na kihta un kong ci hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Late 76:7

Ahih hangin nang zahtak-huai mahmah teh! Na heh khit phot ciangin nangma mai-ah kua ding zo ding ahi hiam?

Malakhi 2:5

Amaute a nuntak nading leh a nopsak nading thu ka ciam a, amaute in kei hong zahtak theih nadingun hih ka thuciamte khempeuh ka pia hi. Amaute in kei hong zahtakin hong kihta takpi uh hi:

Isaiah 29:23

Bang hang hiam cih leh keima khut tawh ka bawlsa ahi amau’ tate a muh ciangin, amaute in keima min siangthosak ding uh hi; amaute in Jakob’ Siangtho Pa, a siangtho ahihna phawk ding uh a, Israel’ Pasian zaktakin kihta ding uh hi.

Piancilna 31:53

Abraham’ Pasian leh Nahor’ Pasian, amau pate’ Pasian in eite' kikal-ah thu khen ta hen,” ci hi. Tua ahih ciangin Jakob in ama' pa Isaak' Zahtakpa tawh kiciam hi,

ROM (Romans) 4:20

upkhialhna tawh Pasian’ thuciamna lungka loin,

Gamlak-vakna 27:14

mi honpite a kitot lai-un tui phual-ah keimah sian’thosak ding hunin Zin gam lakah keima thu nong lehpan’ hi,” a ci hi. (Hihte in Zin gamlak, Kadesh gam Meribath tui-a thu piangte ahi hi.)

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Paikhiatna 20:20

Moses in mite' kiangah, “Lau kei un; bang hang hiam cih leh note na khialh khak loh nadingun note in amah na kihtak theih nadingun note a entel dingin Pasian hong pai ahi hi,” a ci hi.

Thu-hilhkikna 14:23

Topa na Pasian uh zahtak tawntung nading na theih nadingun, ama min a teen’ nadingin a teelna mun Topa note’ Pasian mai-ah na an, na leenggahzu, na sathau uh sehsawm suah sehkhat, leh na bawnghon leh tuuhon tacilte uh na ne ding uh hi.

Isaiah 5:16

Ahih hangin thutang sepna tawh Vanglianpen Topa in a liatna hong kilangsak a, a Siangtho Pasian in a mite a thukhenna tawh ama siangthona hong kilangsak hi.

Ezekiel 38:16

khuapi huih in gam sung teng a nawk gawp bangin keima mi Israelte na sim ding hi. A hun a tun’ ciangin, nangmah zangin na ka sepna tawh minamte lakah ka siangthona ka lah theihna dingin keima gam a sim dingin kong sawl ding hi.

Siampi Laibu 22:32

Note in keima min siangtho na daisak kei ding uh hi; Israel mite lakah kei hong kisiangthosak ding hi; keimah in note a hong siangthosak Topa,

1 SAMUEL MASA 11:7

Amah in bawngleeng kap khat la a, tuate sem nenin kamtaite sawlin Israel gam khempeuhah khakin, “Saul leh Samuel’ nung zui-in a kuankhia lo peuhmah a bawngtalte tungah hih bangin kihih ding hi,” ci-in gen hi. Tua ciangin mite tungah Topa kihtakna hong tung a, mihing khat bangin amaute hong kuankhia uh hi.