Isaiah 8:11 - Tedim Bible

¹¹ Bang hang hiam cih leh Topa in ama vangliatna tawh nakpi takin kei tungah thu hong gen a, hih mite’ lampi ka zuih loh nadingin hong hilhkhol a,

Tedim Bible Revision 2017

¹¹ Bang hang hiam cih leh Topa in ama vangliatna tawh kei tungah thu hong gen a, hih miteʼ lampi ka zuih loh nadingin hong hilh khol a,

Isaiah 8:11 Referans Kwoze

Ezekiel 3:14

Pasian’ Kha in hong pai khiatpih lai takin ka lungkim het loin ka heh suak mahmah hi. Ahi zongin Topa’ vangliatna in kei hong zo zaw hi.

Sawltak 4:20

Kote ka hih uh leh, ka muhsa uh, ka theihsa uh thute gen loin ka om thei kei ding uh hi,” ci-in a dawng uh hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hatzaw a, keimah nong zo hi. Ni simin mite’ nuihsat lel ka hi a, Mi khempeuh in hong zahko uh hi.

Jeremiah 15:19

Tua ahih manin Topa in, “Nong kilehkik leh kong koihna ngei ah kong koih ding a, ka na na semkik ding hi. Thu manpha lo gen loin thu manpha na gen leh, ka kamsang-in kong zang ding hi. Amaute nang kiangah hong pai ding uh a, nang na hih leh amau’ kiangah na pai kei ding hi.

Paunak 1:15

Ka ta aw, tua bang mite tawh kikhawl kei in la, amaute kiang panin kihemkhia in.

Late 32:8

Na paina ding lampi lakin kong hilh ding a, ka mit tawh hong enin thu kong hilh ding hi.

1 KUMPI MASATE 18:46

Tua ciangin Topa’ vangliatna Elijah tungah om hi; amah in a kawng gakin Jezre-el lutna dongah Ahab mai-ah na tai hi.

Isaiah 30:1

Topa in, kei’ ngimna hi lopi-in thu vaihawmna a sem khia, kei’ kha tawh lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a beel ding leh Izipt’ liahna bukna a zong dingin Izipt gamah paisuk ding a, a kuankhia a genhak naupangte in gimna ngah ta hen!” a ci hi.