Isaiah 8:1 - Tedim Bible

¹ Tua ciangin Topa in, “Suangpeek lianpi khat la in la, tua tungah mihingte’ theihkim lai tawh, ‘Mahershalalhasbaz’ ci in gelh in,” hong ci hi.

Tedim Bible Revision 2017

¹ Tua ciangin Topa in kei kiangah, “Suangpek lianpi khat la inla, tua tungah mihingteʼ theihkim lai tawh, ‘Maher-shalal-hash-baz,’ ci-in gelh in,” hong ci hi.

Isaiah 8:1 Referans Kwoze

Isaiah 30:8

Tu-in pai in la, hong tung lai ding hunte ah teci ahi ngitnget dingin amaute’ mai-ah suangpeek tungah gelh in la, laizial khat sungah at in.

Isaiah 8:3

Tua ciangin kamsangnu tawh ka lumkhawm a, amah gai-in tapa khat hong nei hi. Tua ciangin Topa in ka tungah, “Ama min pen Mahershalalhasbaz, ci-in phuak in:

Mangmuhna 21:17

Khuapi kulh a teh ciangin mi’ tong tawh kibang vantungmi’ tong za leh sawmli leh li a pha hi.

Mangmuhna 13:18

Hih thu-ah pilna a om hi. Pilna a nei mi in sahang’ nambat sim ta hen. Bang hang hiam i cih leh, mi khatpeuh’ nambat ahi hi. Tua nambat in zaguk sawmguk-guk ahi hi.

Jeremiah 36:32

Tua ciangin Jeremiah in zong laizial dang khat la a, Neriah’ tapa thuvanpipa Baruk a pia hi. Amah in zong Judah kumpipa Jehoiakim in meikhuk sunga a khul tumsa laizial sunga thu kigelh khempeuh, Jeremiah’ sit bangbangin a gelh hi. Kammal kibang zong tampi a kibehlap hi.

Jeremiah 36:28

“Laizial dang khat la in la, tua tungah, Judah kumpipa Jehoiakim in a haltum a masa laizial sunga thu om teng khempeuh gelhkik in.

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Isaiah 8:16

Ka nungzuite aw, Pasian in kei tungah hong piak hih teci thute, lim takin kemin koih cing un.

Jeremiah 30:2

“Topa, Israel mite’ Pasian in kong gen-inah: Kong gensa thute khempeuh laibu khat sungah khum in.