Isaiah 7:8 - Tedim Bible

⁸ Bang hang hiam cih leh Siria’ lutang pen Damaskas khuapi hi a, Damaskas’ lutang in Rezin ahi hi. (Kum sawmguk leh kumnga sungin minam a hi zo nawn lo zah dongin Efraim kitamzan gawp ding hi.)

Tedim Bible Revision 2017

⁸ Bang hang hiam cih leh Syriaʼ lutang, Damaskas khuapi hi a, Damaskasʼ lutang, Rezin ahi hi. (Kum sawm guk le kum nga sungin minam ahi zo nawn lo zah dongin Efraim kitamzan gawp ding hi.)

Isaiah 7:8 Referans Kwoze

Piancilna 14:15

Amah in amaute do dingin zan hunin ama' pawlte, amah leh a nasemte khenin amaute zo a, Damaskas leilu lam Hobah ciang dong delh uh hi.

Isaiah 8:4

bang hang hiam cih leh naungek in, Nu aw, pa aw, a cih a theih ma-in Damaskas khua’ hauhna leh Samaria khua sunga a kisut vante, Assiria kumpipa in la-in masuan ding hi,” hong ci hi.

Ezra 4:2

Zerubbabel leh Jeshua leh innkuan lutangte kiangah va pai uh a, amaute kiangah, “Inn lamna ah ko zong hong kihel sak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai-a kipanin note’ Pasian tungah biakna ka pia uh hi,” a ci uh hi.

2 SAMUEL NIHNA 8:6

Tua ciangin David in Damaskas gam Aram ah khuacingte koih hi; Siria mite David’ nasem suak uh a, siah puak uh hi. Topa in David a paina peuhpeuh ah gualzawhna pia hi.

Isaiah 9:9

“Leisekte kicim khin hi; ahih hangin suangseek tawh i lam ding hi; theithek singte kisia khin hi, ahih hangin taamtaak sing tawh i khek ding hi,” ci-a kiphasakin lungsim kihisak Efraim mite leh Samaria gam sunga teeng, mi khempeuh in thei ding uh hi.

Isaiah 9:11

Tua ahih ciangin Topa in, Rezen do dingin a langpang ding bawl a, amau’ galte hanthawn hi.

Jeremiah 49:23

Damaskas khua tawh kisai-in, “Hamath khua leh Arpad khuate in thusia za uh ahih manin lung mangin a om uh hi. Tuipi dai thei lo bangin a launa uh dai thei lo hi.

Ezekiel 27:18

Damaskas khuapi, Uzal gam panin Grik-te in zong na vante tampi tak hong lei a, a man dingin Helbon gam-a piang leenggahzu, tuumul kang, a kihuansa sik, thaksiing leh thalsiingte hong pia hi.

Hosea 13:1

Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.