Isaiah 7:22 - Tedim Bible

²² ahi zongin tuate in nawi tampi a piakna hangin amah in bawngnawi thaukhal ne zo ding hi; bang hang hiam cih leh gam sunga a om lai mi khempeuh in bawngnawi thaukhal leh khuaizu ne ding hi.

Tedim Bible Revision 2017

²² ahi zongin tuate in nawi tampi a piakna hangin amah in bawngnawi-thaukhal ne zo ding hi; bang hang hiam cih leh gam sungah a om lai mi khempeuh in bawngnawi-thaukhal le khuaizu ne ding uh hi.

Isaiah 7:22 Referans Kwoze

Isaiah 7:15

Amah in a hoih lote nial-in a hoihte a teel theih hun ciangin bawngnawi thau khal leh khuaizu ne ding hi.

Mattiu 3:4

Johan in kalaoh mul kigan puan silh a, savun kawnggakin a kawng a gak hi. Kauphe leh gampa lak khuaizu in a kivak hi.

2 SAMUEL NIHNA 17:29

khuaizu leh bawngnawi-thaukhal leh tuu leh sathaukhalte, David leh amah tawh a om mite’ nek dingin hong puak uh hi; bang hang hiam cih leh amaute in, “Mite gam lakah gilkialin, gimin dangtak uh hi,” a ci uh hi.

Piancilna 18:8

Tua ciangin, amah in bawngnawi-thaukhal, bawngnawi, a minsa bawngno sa la-in amau’ mai-ah lui hi; amaute in a nek lai takun sing nuai-a amau' kiangah amah ding hi.

Isaiah 8:15

Mi tampi tak tuk ding uh hi; amaute tukin kitamzan gawp ding uh hi; amaute awk-in kiman ding hi,” hong ci hi.

Isaiah 14:30

Mizawngte in keima gan khahna sungah an ne ding a, a cimawhte lungmuang takin lum hit-hiat ding hi; ahih hangin no Filistia mite, kialpi tawh kong that ding a, a suakta kha a omte laite keimah in ka that ding hi.

Isaiah 17:2

Ama khuapite ahi Aroer kinusiacip paisuak ding hi; tuuhonte’ omna ding suak ding a, amaute lum hithiatin bangmah in lausak lo ding hi.