Isaiah 7:2 - Tedim Bible

² “Siriate pen Efraim mite tawh kikop,” ci-a David’ innkuante’ tungah a kigen ciangin, huih in gamlak-a singte a mut bangin amah leh a mihingte’ lungsim kiliing hi.

Tedim Bible Revision 2017

² “Syria-te pen Efraim mite tawh kikop,” ci-in Davidʼ innkuante tungah a kigen ciangin, huih in gamlak a singte a mut bangin amah le a mihingteʼ lungsim kiliing hi.

Isaiah 7:2 Referans Kwoze

Isaiah 8:12

“Hih mite’ sawmsimna pawlpih kei un. Amaute’ kihtakte kihta kei un la, lau kei un.

Isaiah 7:13

Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

Isaiah 9:9

“Leisekte kicim khin hi; ahih hangin suangseek tawh i lam ding hi; theithek singte kisia khin hi, ahih hangin taamtaak sing tawh i khek ding hi,” ci-a kiphasakin lungsim kihisak Efraim mite leh Samaria gam sunga teeng, mi khempeuh in thei ding uh hi.

Paunak 28:1

Kuama delh lopi-in migilote taimang a, mi thumante ahih leh humpinelkai bangin hang uh hi.

Mattiu 2:3

Herod kumpipa in tua thu a zak ciangin Jerusalem khuami khempeuh tawh a lunghimawh uh hi.

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Isaiah 37:35

Bang hang hiam cih leh keimah leh ka nasempa David ka khualna-in hih khuapi a suahtak nadingin ka hu ding hi,” a ci hi.

Isaiah 22:22

David suan leh khakte’ khut nuai-ah aana neihna tawhtang pen ama liangko tungah ka pia ding hi; amah in hong-in, kuamah in khak lo ding hi; amah in khak-in, kuamah in hong lo ding hi.

Isaiah 11:13

Efraim in hazatna a neihnate bei ding a, Judah mi a galbawlte kisusia ding hi; Efraim in Judah haza nawn lo ding a, Judah in Efraim galbawl nawn lo ding hi.

Isaiah 7:17

Efraim mite pen Judah mite kiang pan a, a paikhiat-a kipan nidanga piang ngei lo thu ahi, Assiria kumpipa nang leh na mite leh na pate’ innah Topa in hong tungsak ding hi,” ci hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Late 11:1

Topa ka bel hi; bangci-in ka tungah, “Vasa leeng bangin mual tungah tai-in,

2 KHANG TANGTHU NIHNATE 28:12

Efraim mi ukpite pawl khat, Johanan’ tapa Azariah, Meshillemoth’ tapa Berekhiah, Shalum’ tapa Jehizkiah, leh Hadlai’ tapa Amasa, gal sung panin hong tungte’ lang khatah pang a,

2 KHANG TANGTHU NIHNATE 25:10

Tua ciangin Amaziah in Efraim panin hong pai galkapte innah a ciahkik dingin paikhia sak hi. Tua ciangin Judah mite tungah amaute heh mahmah uh a, heh mahmahna tawh innah ciahkik uh hi.

1 KUMPI MASATE 13:2

Tua ciangin Topa’ thu tawh biakna tau langpangin mipa kiko a, “Biakna tau, biakna tau aw, Topa in hih bangin ci hi; ‘En in, Josiah min nei tapa khat David innkuan sungah suak ding hi; amah in nangma tungah paknamtui a hal mual tunga biakna a pia siampite nangma tungah biakna-in pia ding a, nangma tungah mihingte’ guhte kihal ding hi,’ ci hi,” a ci hi.

1 KUMPI MASATE 12:16

Kumpipa in amau’ thu a ngaih lohna Israelte khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israelte aw, na inn ciat uhah ciah un. Rehoboam in ama ading vaihawm tawm hen,” a ci uh hi. Tua ahih ciangin Israelte a inn ciat uhah kihem uh hi.

1 KUMPI MASATE 11:32

(ahih hangin ka nasem David hang leh Israel minam khempeuh sungpanin ka teelsa khuapi Jerusalem hangin amah in minam khat nei ding hi),

2 SAMUEL NIHNA 7:16

Na inn leh na kumpigam keima mai-ah a kip tawntungin kibawl ding hi; na kumpi tokhom kip tawntung ding hi,’ ci hi,” a ci hi.

Isaiah 7:5

Bang hang hiam cih leh Siria kumpi-a kipan Remaliah’ tapa leh Efraim mite in nang hong sawm uh a,