Isaiah 7:18 - Tedim Bible

¹⁸ Tua ni ciangin Izipt luite’ nak-a a om Izipt mite, thopi hon bangin hong pai nading leh Assiria mite, a gam panun khuaipi hon bangin hong pai nadingun Topa in sam ding hi.

Tedim Bible Revision 2017

¹⁸ “Tua ni ciangin Egypt luiteʼ nak ah a om Egypt mite, thopi hon bangin hong pai nading le Assiria mite, a gam panun khuaipi hon bangin hong pai nadingun Topa in sam ding hi.

Isaiah 7:18 Referans Kwoze

Isaiah 5:26

Amah in, gamlapi-a om minam khat a sapna-in lim khat lak a, lei mong panin hong pai nadingin a sam hi; manlang takin hong paipah hi.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Joshua 24:12

Amor kumpi nihte note mai-ah a hawlkhia tunpite keimah in note mai-ah ka sawl hi; tua in note’ namsau ahi a, note’ thal tawh ahi zongin na dona hang uh hi lo hi.

Thu-hilhkikna 7:20

Tua tham loin, a om lai mite leh no kiang panin a bu mite a siat khit dong matengin Topa na Pasian un amaute lakah khuaipi nam tunpi khah ding hi.

Thu-hilhkikna 1:44

Tua ciangin tua mualtung gamah a teeng Amor mite hong kuanin, Seir gam Hormah ciang dongah khuai bangin hong delhin hong zo uh hi.

Isaiah 13:5

Leitung buppi susia dingin Topa leh ama hehna galhiamte gamlapi van mong panin hong pai hi.

Isaiah 7:17

Efraim mite pen Judah mite kiang pan a, a paikhiat-a kipan nidanga piang ngei lo thu ahi, Assiria kumpipa nang leh na mite leh na pate’ innah Topa in hong tungsak ding hi,” ci hi.

Late 118:12

Amaute in khuaipi bangin kei hong umcih uh a, lingkung meikang bangin amaute kuang uh hi; Topa’ vang tawh amaute ka sugawp hi.

Paikhiatna 8:24

Topa in tua mah bangin hih hi; Faro' innsung leh ama' nasemte' innte sungah tho honpite hong pai a, Izipt gamsung khempeuh thote’ hangin leitang kisia hi.

Paikhiatna 8:21

Tua bang hi loin, ka mite na paisak kei leh, en in, nang leh na nasemte leh na mite' tung leh na innte' sungah tho honpite kong sawl ding hi; Izipt mite’ innte leh tuate’ din’na leitang zong tho honpite tawh kidim ding hi.

Thu-hilhkikna 28:49

-

Zekhariah 10:8

Amaute samin, ka kaikhawm ding a, amaute honkhia-in, ni danga zahin mi tampi ka phasak ding hi.

Late 105:31

Amah kam pau a, tho honpite leh thokangte, gam sung khempeuh ah hong om hi.