Isaiah 7:16 - Tedim Bible

¹⁶ Bang hang hiam cih leh naupang in a hoih lote nial-in a hoihte a teel theih hun ma-in na kihtak uh kumpi nihte’ gam kinusiacip ding hi.

Tedim Bible Revision 2017

¹⁶ Bang hang hiam cih leh naupang in a hoih lote nialin a hoihte a teel theih hun ma-in na kihtak uh kumpi nihteʼ gam kinusiacip ding hi.

Isaiah 7:16 Referans Kwoze

Isaiah 8:4

bang hang hiam cih leh naungek in, Nu aw, pa aw, a cih a theih ma-in Damaskas khua’ hauhna leh Samaria khua sunga a kisut vante, Assiria kumpipa in la-in masuan ding hi,” hong ci hi.

Thu-hilhkikna 1:39

Tua tham loin galte’ mimat suak ding hi na cih uh na taneute uh leh, tu hun lai taka asia leh apha a khen thei nai lo na tate uh, tua gamah pai ding a, amaute tungah tua gam ka pia ding a, amaute in tua gam luah ding uh hi.

Jonah 4:11

Tua ahih leh keimah in ganhing tampi thamlo, a taklam khut leh a veilam khut nangawn a khen thei nai lo naupang tulza leh tulsawmnih sanga tam zawte’ teen’na, a lian mahmah Nineveh khuapi pammaih sa lo ding ka hi hiam?” ci-in a dawng kik hi.

Hosea 5:9

Daan thuak ni hun hong tun’ ciangin Israel mite in siatna thuak ding uh hi. A tung taktak ding thu, Israel mite’ lakah a gen ka hi hi.

Isaiah 9:11

Tua ahih ciangin Topa in, Rezen do dingin a langpang ding bawl a, amau’ galte hanthawn hi.

2 KUMPI NIHNATE 16:9

Tua ciangin Assiria kumpipa in ama thu ngai hi; Assiria kumpipa Damaskas a do-in hong kuan to-in tua khua la a, a mite galmatin Kir-ah pua a, amah in Rezin that hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Jeremiah 7:15

Efraim’ suan-le-khak ahi leilu lam-a na behte khempeuh uh ka paihkhiat bangin note zong ka muhna panin kong paaikhia ding hi.

Hosea 5:3

Israelte’ gamtatna khempeuh ka thei khin a, kei tungah bangmah hong iim thei lo ding uh hi. Kei tungah hong citak lo uh a, amaute, misia suak khin uh hi, a ci hi.