Isaiah 7:15 - Tedim Bible

¹⁵ Amah in a hoih lote nial-in a hoihte a teel theih hun ciangin bawngnawi thau khal leh khuaizu ne ding hi.

Tedim Bible Revision 2017

¹⁵ Amah in a hoih lote nialin a hoihte a teel theih hun ciangin bawngnawi-thaukhal le khuaizu ne ding hi.

Isaiah 7:15 Referans Kwoze

Isaiah 7:22

ahi zongin tuate in nawi tampi a piakna hangin amah in bawngnawi thaukhal ne zo ding hi; bang hang hiam cih leh gam sunga a om lai mi khempeuh in bawngnawi thaukhal leh khuaizu ne ding hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Mattiu 3:4

Johan in kalaoh mul kigan puan silh a, savun kawnggakin a kawng a gak hi. Kauphe leh gampa lak khuaizu in a kivak hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

Luka 2:52

Zeisu’ lungpilna leh pumpi khang semsem a, Pasian mai leh mite mai-ah maipha a ngah semsem hi.

Luka 2:40

Naupang khangto a, a thahatna khang a, lungpilna tawh a kidim hi. Pasian’ hehpihna thupha zong ama tungah a om hi.

Piancilna 18:8

Tua ciangin, amah in bawngnawi-thaukhal, bawngnawi, a minsa bawngno sa la-in amau’ mai-ah lui hi; amaute in a nek lai takun sing nuai-a amau' kiangah amah ding hi.

Thu-hilhkikna 1:39

Tua tham loin galte’ mimat suak ding hi na cih uh na taneute uh leh, tu hun lai taka asia leh apha a khen thei nai lo na tate uh, tua gamah pai ding a, amaute tungah tua gam ka pia ding a, amaute in tua gam luah ding uh hi.