Isaiah 7:14 - Tedim Bible

¹⁴ Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Tedim Bible Revision 2017

¹⁴ Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Isaiah 7:14 Referans Kwoze

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Luka 1:31

Gai-in tapa na nei ding hi. Tua tapa’ min Zeisu na phuak ding hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Isaiah 8:8

Judah gam dong hong nawtsuk ding a, dimlet-in pai suaksuak-in, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

Jeremiah 31:22

Bang tan vei lungka ding na hi hiam? a zulhzau ka tanu aw, Bang hang hiam cih leh Topa in leitungah na thak khat ka bawl a, numei in pasal a hon zo hi.”

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

1 SAMUEL MASA 1:20

a hun ciangin Hannah gai-in tapa khat nei a, a min Samuel phuak hi; bang hang hiam cih leh amah in, “Topa tung panin amah ka nget ahi hi,” a ci hi.

1 SAMUEL MASA 4:21

Tua ciangin amah in, “Israelte sung panin minthan’na paikhia khin ta!” ci-in a naungek Ikhabod phuak hi; bang hang hiam cih leh Pasian’ thuciamna singkuang a kimat hang leh a teekpa leh a pasal’ hang ahi hi.

Piancilna 30:8

Tua ciangin Rachel in, “Nakpi tak-a hanciamna tawh ka sanggamnu ka zo hi,” ci hi; tua ahih ciangin ama in Naftali phuak hi.

Piancilna 29:32

Leah gai-in tapa khat nei a, amah in a min Reuben ci hi; bang hang hiam cih leh amah in, “Topa in ka thuakna hong en zo hi; tu-in ka pasal in kei hong it taktak ding hi,” ci hi.

Piancilna 30:6

Tua ciangin Rachel in, “Pasian in kei' tungah thu hong khen zo a, amah in ka aw zong za zo-in tapa khat hong pia hi,” ci hi; tua ahih ciangin amah in a min Dan phuak hi.

Piancilna 4:25

Adam in a zi luppih leuleu hi. Amah in tapa khat nei a, ama' min Seth ci hi, bang hang hiam cih leh, “Kain in amah that ahih manin Abel’ tangin naupang khat Pasian in kei’ adingin hong sehsak hi,” amah in ci hi.

Piancilna 16:11

Topa’ vantungmi in ama' kiangah, “En in, nau na paai a, tapa khat na nei ding hi; ama' min Ishmael na phuak ding hi; bang hang hiam cih leh Topa in nangma' thuakna hong mu khin hi.

Luka 2:12

Note in, ‘Bang limin thei ding ka hi uh hiam?’ na cih uh leh naungeek puanin kitun a, bawng an nekna kuang sungah kisialin a om na mu ding uh hi,” a ci hi.

Isaiah 38:7

Isaiah in, “Amah in hong ciamsa thu Topa in hong bawl nadingin, hih pen Topa’ tung panin nangma adingin lim ahi hi:

Jeremiah 23:6

Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Jeremiah 44:29

Note’ siat nading ka gen sa thute a hong tung takpi ding ahihna thu na theih nadingun Topa in kong cih-inah, hih lim note kong pia ding a, hih munah kong thuaksak ding hi:

Thukhente 6:36

Tua ciangin Gideon in Pasian kiangah, “Na gensa bangin keima tha tawh Israelte na hotkhiat ding leh,

1 KUMPI MASATE 13:3

Tua ciangin tua ni mahin amah in lim khat pia a, “Hih in Topa in thu a gen khitna lim hi: ‘En in, biakna tau kiphelin a tunga om vutte kibuakhia ding hi,” a ci hi.

Late 46:8

Hong pai un la, Topa’ sepna, leitung, gamkhing a suahsak khitna hong en un.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Luka 20:44

Tua ahih ciangin David in, ‘Khazih in Topa hi,’ a cih leh bangci-in ama ta hi thei ding ahi hiam?” ci-in a dong hi.