Isaiah 7:13 - Tedim Bible

¹³ Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

Tedim Bible Revision 2017

¹³ Tua ciangin Isaiah in, “Davidʼ innkuan aw, ngai un! Mite na lunggim sakna uh kicing sa lo a, ka Pasian zong lunggimsak lai na hi uh hiam?

Isaiah 7:13 Referans Kwoze

Isaiah 43:24

Kei’ adingin sum tawh paknamtui nong lei sak nai kei a, nangmah in biakna sa a thaute tawh nong taii sak nai kei hi. Ahih hangin nang in na khialhna tawh kei tungah vangik nong suan khin a, na mawhna tawh kei nong gimsak khin hi.

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Ezekiel 34:18

Note pawlkhat, lopa limci na nek bek uh tawh na lungkim kei uh a, na nek lohte nangawn uh na tuancil gawp uh hi. Tui a siang na dawn uh a, na dawn loh teng uh na siknin uh hi.

Ezekiel 16:47

Amaute’ khekhap zui-in a muhdahhuai amaute’ gamtatnate bek tawh na lungkim zo nai kei lai a, tawmvei sungin na gamtatna khempeuh ah amaute sangin na sia zaw hi.

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

Isaiah 7:2

“Siriate pen Efraim mite tawh kikop,” ci-a David’ innkuante’ tungah a kigen ciangin, huih in gamlak-a singte a mut bangin amah leh a mihingte’ lungsim kiliing hi.

Hebru 3:10

Tua ahih ciangin hih khangmite Ka deih kei a, ‘Amaute lungsim sung uhah a khial tawntung uh hi; Keima hih ngeinate a thei kei uh hi,’ ka ci hi.

Amos 3:13

Tu-in ngai un la, Jakob’ suan leh khakte hilhkhol un, mihonpite’ Pasian ahi, Topa Pasian in ci hi.

Ezekiel 16:20

“Tua ciangin kei tawh na neih na tanute leh na tapate la-in milim biakna-in haltum dingin na pia hi. Kei tungah na cihtaklohna thuneu lua sa a,

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Jeremiah 6:11

Tua ahih ciangin Topa aw, na hehna tawh ka dim a, ka thuak zo nawn kei hi,” ka ci hi. Tua ciangin Topa in hong hopih-a, “Ka hehna kongzing lak-a naupangte’ tungah bua in la, tangvalte’ kikhopna-ah zong bua in. Papite leh nupite zong kilakhia ding a, pitek putekte zong a kipai khiatpih ding hi.

Isaiah 25:1

Topa aw, nang in keima Pasian na hi hi; nangmah kong liansak ding a, nangma min ka phat ding hi; bang hang hiam cih leh nang in a lamdang nate na semkhin a, tanglai pek a, na geelnate a kip a thumaan takpi ahi hi.

Isaiah 1:24

Tua ahih ciangin, Topa, Vanglianpen Topa, Israelte’ Vanglian Pa in hih bangin ci hi: “Ah, ka lang ahi note tungah ka hehna kong khahkhia ding a, ka gal ahi note tungah keimah in kong thuk ding hi.

2 KHANG TANGTHU NIHNATE 21:7

Ahi zongin, David tawh a bawlsa a thuciamna hang, leh ama tung leh a suante tungah ukna za a piak suak nading a ciam khitna hangin Topa in David suante susia lo hi.

Gamlak-vakna 16:13

Kote tungah nangmah ulian-in kibawl tawmin, gamlakah kote hong that dingin bawngnawi leh khuaizu a luan’na gam panin nong paikhiatpihna thu hawmthawh lai na hi hiam?

Gamlak-vakna 16:9

Israel mite’ Pasian in ama kiangah hong paipih ding, Topa’ biakbuk sungah nasep sem ding, mi honte’ na sem dingin amau’ mai-ah a ding dingin Israel mi honte kiang panin hong khenkhiatna leh

Piancilna 30:15

Ahih hangin Leah in, “Ka pasal nong suh thuneu sa na hi hiam? Ka tapa’ zawl-ai kungte zong hong sut lai ding na hi hiam?” ci hi. Rachel in, “Tua ahih leh na tapa’ zawl-ai man dingin tu zan-in amah in nang tawh hong lumkhawm thei ding hi,” ci hi.

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Luka 1:69

Bang hang hiam i cih leh, tanglai ama kamsang siangthote’ kam tawh a gen kholh mah bangin,

Late 45:5

Kumpipa’ galte’ lungtang sungah na thaltang hiamte lut a, mite na nuai-ah puk uh hi.

Isaiah 1:14

Note’ khadet nite leh na pawite uh ka mudah hi; tuate pen kei’ adingin van gikpi khat suak khin a, tuate ka puakna-in ka gim hi.

Isaiah 7:12

Ahih hangin Ahaz in, “Ka ngen kei ding hi, Topa ka ze-et kei ding hi,” ci hi.

Isaiah 22:22

David suan leh khakte’ khut nuai-ah aana neihna tawhtang pen ama liangko tungah ka pia ding hi; amah in hong-in, kuamah in khak lo ding hi; amah in khak-in, kuamah in hong lo ding hi.

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

Ezekiel 6:9

salin om ding uh hi. Tua bangin sal-a a omna uh mun panin, amau’ lungsim cihtak lohna hangin kei hong nusiatna uh leh keimah sangin milim a deih zawkna uh hangin a maizum nadingun a daantat ka hih lamtak thei-in kei hong phawk ding uh hi. Amau’ gitlohna leh a haitatnasate uh hangin amau mahmah kimudah tawm ding uh hi.