Isaiah 66:3 - Tedim Bible

³ “Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Tedim Bible Revision 2017

³ Biakna-in bawngtal a go pa in mihing zong that hi. Biakpiakna-in tuuno a go pa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amauʼ kihhuai gamtatna uh ah nuam a sa uh hi.

Isaiah 66:3 Referans Kwoze

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Isaiah 66:17

Biakna huan sungah pai dingin amaute kisian’ suahin a kisiangthosak, a laizang-a om pen a zuite, voksa leh kihhuaina leh zusa a nete beimang khawm ding hi, Topa in ci hi.

Isaiah 65:12

namsau tawh a si dingin kong seh ding a, hong that dingte’ mai-ah na ngawng uh na dawh ding uh hi; bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu, man’ loh ding mah na utzaw uh a, a sia na gamta uh hi.

Siampi Laibu 2:2

tua ciangin Aaron’ suan siampite kiangah paipih ding hi. Tua ciangin amah in annel khut dim khat leh sathau, a paknamtui khempeuh tawh la ding hi; siampipa in hih pen Topa’ adingin a gim namtui, mei tawh biakna, phawkna-in biakna tau tungah hal ding hi.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Thu-hilhkikna 23:18

A paktatnu a kiguaihna sum ahi a, a paktatpa a kiguaihna sum ahi zongin thuciamna khatpeuh peuh piakna-in Topa note’ Pasian’ inn sungah na paipih kei ding uh hi; bang hang hiam cih leh hih tegel in Topa note’ Pasian’ tungah a kihhuai ahi hi.

Thu-hilhkikna 14:8

Vok pen a khecin a kat hangin eknel hai lo ahih manin note adingin a nin ahi hi. Tuate’ sa ne loin, a sisate zong na lawng kei ding uh hi.

Thukhente 10:14

Pai un la note’ teel pasiante tungah ko un;’ na lungkham hun-un amaute kihonkhia sak un,” a ci hi.

Isaiah 57:17

Amau’ huaiham-mawhna hangin ka heh a, ka heh lungsim tawh amaute daan pia-in ka mai ka sel hi. Ahih hangin amaute a lungsim khauhin, a gamtat ngei bangun gamta veve uh hi.

Thukhente 5:8

A thak pasiante a kiteel ciangin, kulh kongpi sungah gal om pah hi. Lum ahi a, tei ahi zongin Israel tul sawmlite’ lakah kimu ahi hiam?

Isaiah 44:19

A kimkhat meikhuk-ah cihin, a aam tungah moh zong ka em a, sa hang-in ka ne khin zo hi; a om lai teng a kihhuai-in bawl buang ding ka hi hiam? Sing bek khat’ mai-ah kun buang ding ka hi hiam? a ci ding, thu a ngaihsun, theihna leh thu muhna a nei khat beek om lo hi.

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Thukhente 21:25

Tua hun lai-in Israelte sungah kumpi om lo hi; amau’ hoihsak bang ciatun mi khempeuh gamta uh hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

Haggai 2:14

Tua ciangin Haggai in thu gen a, “Topa in hih bangin ci hi: Tu-a nong dawn’na uh mah bangin hih mite’ sepna khempeuh ah tua bangin piang ahih manin, biakna tau tungah a piak uh na khempeuh a nin suak hi.