Isaiah 66:2 - Tedim Bible

² Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Tedim Bible Revision 2017

² Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Isaiah 66:2 Referans Kwoze

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 34:18

Lungsim kitamzante kiangah Topa om a, lungsim zan-gawpte hon hi.

Late 51:17

Pasian’ san’ theih biakna in lungsim kitamzan hi; Pasian aw, a kitamzan, a kisik lungsim na simmawh kei ding hi.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Paunak 28:14

Topa a zahtak tawntung mipa in mi nuamsa hi a, a lung khauh mipa in lungkhamna tuak ding hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Ezra 10:3

Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Late 119:161

Uliante in thu om lopi-in kei hong bawlsia uh a, ahih hangin na thute, lamdang sa-in ka thupi ngaihsut hi.

Ezra 9:4

Tua ciangin sal a suak hih mite’ cihtaklohna hangin Israel Pasian’ dantah ding lau-in a liing mite khempeuh keima kiangah hong kikhawm uh a, nitak biakpiak hun dong cih nading thei loin ka om hi.

Isaiah 40:26

A sangna vantung lam ento un la, mu un: kua in hihte piangsak ahi hiam? Amau’ aksi honpite khat khatin piangsakin, a lian ama thahatna tawh amaute khempeuh a min un a sampa ahi hi; vangliatna-ah thahat ahih manin khat beek pelem lo hi.

Kolose 1:17

Tapa in na khempeuh a pian’ ma-in om a, amah hangin na khempeuh a kip hi.

Sawltak 9:6

Ahih hangin tho in la, khua sungah tum in, na gamtat nadingin thu hong kihilh ding hi,” a ci hi.

Mattiu 12:6

Hih san takah Pasian biakna inn sangin a lianzaw khat a om hi, kong ci hi.

Sawltak 7:50

Ka khut in hih na teng bawl hilo ahi hiam? ci-in Pasian in a gen hi,’ a ci hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

1 KUMPI MASATE 21:29

“Keima mai-ah bangzahin Ahab a kiniamkhiatna na mu hiam? Keima mai-ah amah kiniamkhiat ahih manin ama hun sungin siatna ka tungsak kei ding hi; ahih hangin a tapa’ hun sungin ama innkuan tungah siatna ka tungsak ding hi,” a ci hi.

2 KUMPI NIHNATE 22:10

Tua ciangin lai-atpa Shafan in kumpipa kiangah, “Siampi Hilkiah in laibu khat kei hong pia hi,” a ci hi. Tua ciangin Shafan in kumpipa mai-ah tua laibu sim hi.

2 KUMPI NIHNATE 22:11

Kumpipa in thukham laibu sunga thute a zak ciangin dahna hangin a puante balkek hi.

Late 51:19

tua ciangin, biakpiakna man, meihal biakna leh meihal biakpiakna bup-ah na lungkim ding hi; tua ciangin na biakna tau tungah bawngtalte hong kipia ding hi.

Isaiah 41:20

Topa’ khut in hih nate bawl hi, Israelte’ Siangtho Pa in hih nate piangsak hi, ci-in mite in mu-in a theih nading, ngaihsunin a thu a teltheih nading uh ahi hi.