Isaiah 64:8 - Tedim Bible

⁸ Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.

Tedim Bible Revision 2017

⁸ Ahi zongin Topa aw, nang pen koteʼ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Isaiah 64:8 Referans Kwoze

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Late 119:73

Nangma khutte in kei hong piangsakin a hong bawl hi; na thupiaknate ka sin theih nadingin kei tungah thu theihtelna hong pia in.

Late 138:8

Topa in kei adinga a ngaihsutna tung sak ding hi; Topa aw, na itna kip kho tawntung hi. Na sepsa na maban hong tun in.

Late 100:3

Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.

Isaiah 29:16

Note in na khempeuh a leh lamin na koih uh hi. Beel seekpa pen tungman bangin kingaihsun ding a, a kibawlsa na in a bawlpa tawh kisai-in, “Amah in kei hong bawl lo hi,” cihna ahi zongin, a beel in a sekpa tungah, “Amah in theihna nei kei,” ci ding ahi hiam?

Isaiah 45:9

“Amah a Bawlpa tawh a kido mipa, beel seekpa tawh a kido lei beel in gimna ngah ta hen! Tungman in amah a seekpa kiangah, ‘Nang in bang bawl na hi hiam, na nasep in khut nei lo hi,’ ci-in a thu sel ngam ahi hiam?

Isaiah 44:24

Gil sung panin nangmah a hong piangsak, nangmah hong Tanpa, Topa in hih bangin ci hi: “Keimah in na khempeuh bawlin, keimah guakin vantungte zal-in, kuama seppih lohin leitung ka zal hi;

Isaiah 44:21

Jakob aw, hih thu phawk in. Israel aw, ka nasempa na hi hi. Nang kong bawl a, nang in keima nasem na hi hi; Israel aw, keimah in nang kong mangngilh kei ding hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?

Galati 3:26

Bang hang hiam na cih uh leh, note khempeuh in Khazih Zeisu upna hangin Pasian’ tate na hi uh hi.

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

Paikhiatna 4:22

Nangmah in Faro' kiangah, "Topa in hih bangin ci hi, Israel in ka tapa a suak masa hi a,

Johan 8:41

Note in na pa uh a gamtat bangin na gamta uh hi,” a ci hi. Amaute in, “Kote in zawlta ka hi kei uh hi; Pasian kici Pa khat bek ka nei uh hi,” a ci uh hi.

JOB (Job) 10:3

Na khut tawh na sepsate simmawh bawlin, migilote’ vaihawmna pan’pihin, hih bangin nong netniamna-ah bang phattuam ngah na hi hiam?

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Isaiah 19:25

Vanglianpen Topa in amaute thupha pia in, “Ka mihingte ahi Izipt leh ka khut tawh ka sepsa ahi Assiria leh keima luah ahi Israel in thupha ngah ta hen,” ci-a thupha a piakte hi ding uh hi.

Isaiah 45:11

Amah a Bawlpa, Israelte’ Siangtho Pa, Topa in hih bangin ci hi: “Nang in keima tate’ thu hong dongin, ka khut tawh ka bawlsate tawh kisaite-ah thu hong pia ding na hi hiam?

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Malakhi 2:10

Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

Paikhiatna 32:12

Bang hangin Izipt in, ‘Mual tungah amaute a that ding leh leitung panin amaute a beisak dingin siatna ngaihsutna tawh amah in amaute paikhiatpih hi,’ ci ding ahi uh hiam? A kihtak-huai na hehna daaisak in la, na lungsim khelin na mite' tungah hih siatna tungsak kei in.

Thu-hilhkikna 9:29

Bang hang hiam cih leh amaute pen na vangliatna leh na thahatna tawh na paikhiatpih na mihingte leh na luahte ahi hi,’ ka ci hi.

Late 74:1

Pasian aw, bang hangin kote hong paikhia paisuak na hi hiam? Bang hangin nangma gam sunga na tuute tungah heh na hi hiam?

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Isaiah 57:16

Ka mite tungah nuntakna hu ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” ci hi. Tua ahih manin a lungkhamna panun amaute a honkhia suak hi.