Isaiah 64:6 - Tedim Bible

⁶ Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Tedim Bible Revision 2017

⁶ Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Isaiah 64:6 Referans Kwoze

ROM (Romans) 7:18

Ka sa ahi ka pum sungah a pha khat beek a om kei hi cih ka thei hi. Bang hang hiam na cih leh, a pha gamtat nopna lungsim ka neih hangin a pha gamtat theih nading ka mu kei hi.

ROM (Romans) 7:24

Lunggim mi ka hi takpi hi! Hih a si ding pumpi panin kua in hong honkhia ding hiam?

Zekhariah 3:3

Joshua ahih leh vantungmi’ mai-ah ding a, puan a nin mahmah silh hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi; Topa in eite khempeuh’ mawhnate ama tungah suan hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

JOB (Job) 25:4

Pasian’ muhna-ah kua dik zo ding a, kua siangtho zo ding ahi hiam?

JOB (Job) 14:4

Mihing banga a ninte sung panin a siang bangmah hong piang lo ding hi.

Filippi 3:9

Topa hangin na khempeuh ka taan zo a, sihna pan thawhkikna thu ka ngah theih nadingin Topa’ thuak sihna sungah tumin, tua Topa ahi zongin, ama thawhkikna’ vangliatna ahi zongin, ama gimthuakna zomin thuakna ahi zongin theih tel nadingin, thukham hanga ka ngah keima dikna om loin, Khazih upna hanga ka ngah upna hangin Pasian hong piak dikna muan’na tawh Khazih a meetin ngahin, tua Topa ah kip-a ka om zawh nadingin nadangte khempeuh eek hi ci-in ka ngaihsun hi.

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

Mangmuhna 7:13

Tua lai takin upa khat in kei kiangah, “Puanpaak silh hua mite kua mi hiam? Koi pan hong pai uh hiam?” ci-in hong dot ciangin keimah in,

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Hosea 4:19

Huihpi nung in a mut khiat bangin amaute a phiat khia mang ding lungsim paai uh hi. Amau’ biak pasiante in amaute huh lo ding hi.

Isaiah 48:1

Israel min tawh a kilo, Judah sung pan-a a piangkhia; Topa’ min tawh thuciam in Israel min lo napi-in, thuman thutak tawh Israel Pasian a pulak lo, Jakob innkuan aw, hih thu ngai un.

Late 1:4

Migilote ahih leh tua bang hi lo a, huih letkhiat ansi tawh kibang uh hi.

JOB (Job) 40:4

“Topa aw, ka haipau kha hi. Hong bangci dawn’ theih ding ka hi hiam? Bangmah ka pau nawn kei ding hi.

Isaiah 1:30

Bang hang hiam cih leh note pen, a teh a vul tawsaw kung leh tui a ngah lo huan tawh na kibang ding uh hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Siampi Laibu 13:12

Siampipa’ muh theihna ciangah tua natna in a vun phukhamin tua natna in a veipa’ vun khempeuh a lutang panin a khe dongin a lawh khit leh,

2 SAMUEL NIHNA 22:46

Gamdang mite lungkia uh a, a phual kip panun liingin hong paikhia uh hi.

Late 14:4

Topa’ tunga a ngen lo, an nek bang a ka mite a netum, siatna a bawlte in theihna nei lo ahi hiam?

Isaiah 1:28

Ahih hangin a lehdo mite leh a khial mite pen kisusia khawmin Topa a nusiate pen kibeimangsak ding hi.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Isaiah 43:22

“Ahih hangin Jakob aw, ka min nong lo kei hi; Israel aw, kei nong cimtaak hi!

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Daniel 9:13

Moses’ thukham sunga kigen daan khempeuh ka thuak uh hi. Topa Pasian aw, tu nangawnin zong nangma maipha hong zong loin, na thuman ka zuih theih nangun mawhna ka kisik kei uh hi.

Hosea 7:7

A heh luatna uh tawh amau a ukte that lum uh hi. A kumpite uh khat khit khat a ban banin kithat a, ahi zongin kuamah in kei kiangah huhna hong ngen lo uh hi.