Isaiah 64:4 - Tedim Bible

⁴ Amah in a ngakte’ ading na a sempa’ thu tanglai pek panin kuamah in thei ngei lo, kuama bil in za ngei lo, kuama mit in nang sim loh Pasian dang mu ngei lo hi.

Tedim Bible Revision 2017

⁴ Amah a ngakte adingin na a sem paʼ thu tanglai pek panin kuamah in thei ngei lo, kuama bil in za ngei lo a, kuama mit in nang sim loh Pasian dang mu ngei lo uh hi.

Isaiah 64:4 Referans Kwoze

Late 31:19

Nang hong zahtakte’ adinga na koihsa, nang hong belte’ adinga mite’ muhna-ah na bawl, na hoihna bangzah takin kicing!

Jeim 5:7

Tua ahih ciangin ute naute aw, Topa hong pai matengin thuakin ngak un. Lokho mi in guahzu masa leh guahzu nunung a zuk matengin a manpha leitungah gahte thuum loin ngakin a lamen hi.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

Late 130:5

Topa’ hong huh ding lawpna tawh ka ngak a, ama thugen ka muang hi.

Piancilna 49:18

Na hotkhiatna ka ngak hi, Topa aw.

Johan 14:3

Pai-in na om nading uh ka bawl leh, no kiangah kong paikik ding a; ka omna munah na om nadingun ka hong la ding hi.

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

ROM (Romans) 8:19

A kipiangsak nate in Pasian’ tate a kilat ding lamenin, lawp pha-in a ngak uh hi.

Late 62:1

Dai dide-in Pasian bek ka ngak hi; keima kihotkhiatna ama tung pan hong pai hi.

1 JOHAN MASA 4:10

Eite in Pasian i itna hang hi lo hi, Pasian in eite hong it a, eite mawhna hong tat nadingin ama Tapa hong sawlna ah itna hong kilang hi.

1 KORIN MASA 1:7

Tua ahih ciangin note in i Topa Zeisu Khazih hong kilat ding ngakin na om lai takun hong piakna thupha khat beek na sam kei uh hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Isaiah 66:8

A tuaci bang kua’n za ngei na hi uh hiam? A tuaci bang kua’n mu ngei na hi uh hiam? Ni khat thu-in gam khat piang ngei ahi hiam? Tomno khat sungin minam khat piangkhia ngei ahi hiam? Bang hang hiam cih leh Zion in nausuak gimna a thuak phetin a minamte suak khia pah hi.

Ezra 9:7

Ka pu ka pate uh huna kipanin tu hun dong mawhna lianpi ka nei uh hi. Tua thu hangin ka kumpite uh leh ka siampite un gamdang kumpite khut sungah sihna, salsuahna, neihsa kisuhna, leh maizumna thuak uh a, tu hunin zong tua bangmah ka thuak uh hi.

Isaiah 59:12

Bang hang hiam cih leh nangma tungah kote’ thu-palsatnate tampi pha a, ka mawhnate uh in kote’ langah teci hong pang hi; kote’ thu-palsatnate, ka mawhnate uh ka thei uh hi.

Daniel 9:5

Kote ka hih uh leh ka gi kei uh a, ka mawh khin uh a, ka khial khin uh hi. Na hong sawlna bang ka mang kei uh a, na thupiakna leh na thukhamte ka taisan khin uh hi.

Daniel 9:8

Ka kumpite uh, ko hong ukte leh ka pu ka pate uh a zumhuai-in gamta uh a, nangmah hong uk Topa tungah a khial khin uh hi.

Daniel 9:15

Kote’ Topa Pasian aw, na mihingte Izipt gam panin a vanglian khut tawh nong lakhia a, na min tu dongin a kiphawk lai hi. Ka mawh khin uh a, ka khial khin uh hi.

Hosea 7:7

A heh luatna uh tawh amau a ukte that lum uh hi. A kumpite uh khat khit khat a ban banin kithat a, ahi zongin kuamah in kei kiangah huhna hong ngen lo uh hi.

Zekhariah 10:9

Mi namdangte lakah amaute ka thehthang hangin, a gamlapi gam panin kei hong phawk ding uh hi. Amaute leh a tate uh suakta-in, innah hong ciahkhawm ding uh hi.